Liga Ballkanike pëson rënie drastike – Vetëm gjashtë skuadra pjesëmarrëse, tri prej tyre shqiptare

Tashmë është bërë zyrtar edhe programi për sezonin e rregullt të Ligës Ballkanike në basketboll, ku do të marrin pjesë gjashtë skuadra, tri prej tyre shqiptare.

Liga do të fillojë më 16 tetor me ndeshjen e hapjes që do të mbahet në Durrës, ku KS Teuta do të debutojë në këtë garë kundër Akademik Bulltex 99 .

Gjithsej gjashtë skuadra do të marrin pjesë në sezonin e 11 të garës.

Janë dy ish kampionë me BC Beroe (Bullgari) dhe KB Z Mobile Prishtina, ndërsa jënë edhe ekipet që konsiderohen ambicioze si Akademic Bultex 99 (Bullgari), KB Bashkimi (Kosovë), KK Kozuv (Maqedoni).

Debutues do të jetë KS Teuta nga Shqipëria, që do ta zëvendësojë Tiranën që ka hasur në probleme financiare.

Sezoni i rregullt do të luhet në dhjetë raunde me katër skuadrat e para që kualifikohen për gjysmëfinalet që do të zhvillohen në sistemin vajtje – ardhje.

Fituesit do të kualifikohen për në finalen, ku do të zhvillohet një seri me tri ndeshje në prill të vitit 2019.

Orari tashmë është vendosur, por nuk do të jetë përfundimtar pasi mund të ketë ndryshime, varësisht nga orari i transmetimeve televizive, orarit të ligave lokale ose arsyeve të tjera.

Programi i KB Z Mobile Prishtina nuk është final, pasi do të finalizohet pasi të mësohet orari i klubit prishtinas në FIBA ​​Europe Cup./Telegrafi/