Liderë shtetërorë e partiakë të Republikës së Kosovës kanë përkujtuar Fehmi e Xhevë Lladrovcin, në 25 vjetorin e rënies.
Presidentja Vjosa Osmani ka thënë se përkushtimi i tyre i palëkundur për lirinë ka bërë që ata të jenë stoikë, të guximshëm e këmbëngulës
“25 vjet më parë Fehmi e Xhevë Lladrovci, e përmbyllën bashkërisht rrugëtimin e tyre jetësor e patriotik. Përkushtimi i tyre i palëkundur për lirinë bëri që ata të jenë stoikë, të guximshëm e këmbëngulës. Si të tillë u përjetësuan, duke u bërë personifikim i vetëmohimit për lirinë e vendit”, ka deklaruar ajo.
“Xheva dhe Fehmiu u përballën me vendosmëri të palëkundur për idealin e brezave, ëndrrën për liri e shtet. Ata na kujtojnë përherë rrugën e zorshme deri te liria dhe përkushtimin që duhet pasur për ta mirëmbajtur lirinë dhe për ta forcuar edhe më tej Republikën për të cilën ranë! Kujtimi për ta qoftë i përhershëm!”, ka shtuar Osmani.
Ndërsa, kryeministri Albin Kurti i ka kujtuar dëshmorët me një thënie të Fehmi Lladrovcit.
“Fati im më i madh i jetës”. Kështu e kishte quajtur ai vdekjen për lirinë e Kosovës.
“Me ideale të larta kombëtare, Fehmi Lladrovci, inxhinieri i makinerisë nga Universiteti i Zagrebit, veprimtari i çështjes kombëtare, i burgosuri politik, luftëtari i UÇK-së, ia fali jetën lirisë. Më 22 shtator 1998, pas përballjes disa-orëshe me njësi të forcave të armatosura serbe, ai ra dëshmor bashkë me Xhevë Lladrovcin, Shefqet Zekën dhe Fatime Hetemin. Fatimja është motra dëshmore e Kryetarit të Komunës së Leposaviqit, Lulzim Hetemi”.
“Në këtë çerek shekull të rënies heroike, nderojmë kujtimin e të rënëve në Gradinë. I përjetshëm qoftë kujtimi i të gjithë dëshmorëve që dhanë jetën në rrugën për çlirimin e Kosovës nga Serbia. Lavdi!”, ka shkruar Kurti në Facebook.
Në 25-vjetorin e rënies heroike të Fehmi dhe Xhevë Lladrovcit, kryetari i Kuvendit, Glauk Konjufca, së bashku me deputetë, bënë homazhe dhe vendosën lule pranë varrezave të tyre në Gllanasellë të Drenasit.
“Heronjtë Fehmi e Xhevë Lladrovci, bashkëshortë dhe njëkohësisht bashkëluftëtarë në radhët e Ushtrisë Çlirimtare të Kosovës, ranë më 22 shtator të vitit 1998, në betejë me forcat okupatore serbe”, ka thënë Konjufca.
Homazhe pranë shtatores së heronjve të kombit, Fehmi e Xhevë Lladrovci në përvjetorin e rënies ka bërë edhe kryetari i Aleancës për Ardhmërinë e Kosovës (AAK), Ramush Haradinaj.
Ai ka thënë se Fehmi e Xhevë Lladrovci ishin simbol i qëndresës dhe krah i fortë i lëvizjen për liri e pavarësi.
“Heronjtë e Kombit, Fehmi e Xhevë Lladrovci ishin simbol i qëndresës, krah i fortë i lëvizjes për liri e pavarësi. Gjithmonë të parët në rresht, ata luftuan dhe ranë bashkë. Fehmiu dhe Xheva, të cilët kisha fatin edhe t’i njoh nga afër, janë themelet e Kosovës së lirë, Kosovës shtet”, është shprehur Haradinaj.
Ai ka kujtuar po ashtu edhe të rënët e tjerë dëshmorë të Brigadës 114.
“I kujtojmë me respektin më të thellë po ashtu bashkëluftëtarët e tyre, Shefqet Zeka e Fatime Hetemi, dhe të gjithë dëshmorët e Brigadës 114, që me krenari mbajti emrin e Fehmi Lladrovcit. Në këtë përvjetor, përulemi me nderim para veprës së tyre heroike. Ata do të jenë gjithmonë udhërrëfyesit tonë në rrugën për ndërtimin e shtetit”, ka përfunduar Haradinaj.
Ndërkaq, kryetari i Partisë Demokratike të Kosovës (PDK), Memli Krasniqi, ka thënë se i kujton me krenari edhe bashkëluftëtarët e pandashëm të tyre, Fatime Hetemi, Shefqet Zeka, Behxhet e Milazim Karaxha dhe Hamit Lladrovci, në 25 vjetorin e lartësimit të tyre të përjetshëm.
“25 vjet pa Fehmiun dhe Xhevën! Më e shtrenjtë është liria se jeta! Prandaj, për Fehmi dhe Xhevë Lladrovcin, betimi “derisa vdekja të na ndajë”, nuk ishte as i mjaftueshëm dhe as i saktë. Për të dy, bashkimi në martesë nënkuptonte përjetësinë, sepse jetën tashmë ia kishin premtuar atdheut. Jeta i bashkoi për liri – e vdekja në përjetësi. Sot, kujtojmë me krenari edhe bashkëluftëtarët e pandashëm të tyre, Fatime Hetemi, Shefqet Zeka, Behxhet e Milazim Karaxha dhe Hamit Lladrovci, në 25 vjetorin e lartësimit të tyre të përjetshëm. Lavdi Heronjve të Kosovës!”, ka shkruar Krasniqi në Facebook. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Elmi Aziri: Do t’i thërrasim të gjithë qytetarët që të marrin pjesë në zgjedhjet presidenciale
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe