Lëndohet Kante, pritet të mungojë në finalen e Ligës së Evropës ndaj Arsenalit

Mesfushori francez, N’Golo Kante pritet të jetë mungesa e madhe e Chelseat ndaj Arsenalit në finalen e Ligës së Evropës.

Chelsea dhe Arsenali do të luajnë mes vete në finalen e madhe të Ligës së Evropës të mërkurën mbrëma në Baku të Azerbajxhanit.

Megjithatë, Blutë pritet të privohen nga mungesa e shumë lojtarëve shkaku i lëndimeve.

Lexo po ashtu Katër fluturime dhe udhëtim 24 orësh me tren, eksperienca e çmendur e babait me të birin drejt Baku për ndeshjen e Chelseat në Ligën e Evropës

I fundit që ka pësuar lëndim në kampin e Chelseat është mesfushori Kante, i cili u detyrua ta lëshoj stërvitjen e së mërkurës.

Kante ka pësuar një lëndim në gju dhe është larguar nga terreni mes dhimbjeve të mëdha dhe përshtypjet fillestare janë së lojtari do të mungojë.

Francezi kishte humbur edhe dy ndeshjet e mëparshme pas një lëndimi në fitoren ndaj Watford këtë muaj, por ishte shëruar mjaftueshëm për të rifilluar trajnimin në Cobham në fillim të javës së kaluar dhe Maurizio Sarri ishte i bindur se fituesi i Kupës së Botës do të ishte i aftë të luante në finale kundër Arsenalit.

Lexo po ashtu Luiz: Emery është trajner i madh, por do t'i mundim në finale

Shpresat duket se janë thyer, duke e lënë Sarrin me një mesfushë me vetëm tre lojtar: Ross Barkley, Jorginho dhe Mateo Kovacic.

Kante do të bëhet lojtari i katërt që do t’i mungojë Bluve në finale, pas Antonio Rudiger, Callum Hudson-Odoi dhe Ruben Loftus-Cheek. /Telegrafi/