Përmes një njoftimi për media, degët e Lidhjes Demokratike të Kosovës (LDK) në Prishtinë, të gjitha strukturat dhe anëtarësia, shprehin keqardhjen më të thellë dhe solidarizohen me familjen Mramori që dy ditë më parë humbi tragjikisht dy fëmijët e saj.
“Kjo ngjarje tragjike thërret në përgjegjësinë institucionale, morale dhe penale, për ata që me mospunën dhe neglizhencën e tyre po marrin jetë fëmijësh. Një ditë më parë kryetari i Prishtinës, z. Shpend Ahmeti dhe partia e tij Vetëvendosje, fillimisht deklaruan se nuk ndiejnë asnjë përgjegjësi për vdekjen e fëmijëve, dhe më pas, kur u rrit presioni qytetar, e detyruan të dorëhiqet drejtori i Inspeksionit”, thuhet në njoftimin e LDK-së.
Sipas LDK-së, Shpend Ahmeti dhe partia e tij, në gati tri vitet e shkuara, sa herë që pyeten për dështimet e njëpasnjëshme në qeverisjen lokale, gjithmonë gjejnë një fajtor kujdestar, qeverisjen e kaluar komunale.
“Kështu ndodhi edhe në tragjedinë, në vend se të kërkonte falje dhe të jepte llogari, ai fajësoi qeverisjen e kaluar”, thuhet në njoftim.
Për dijeninë e qytetarëve të Prishtinës dhe gjithë Kosovës, ndërtimi i rregës në atë lagje ka përfunduar në pranverën e vitit 2013 dhe masa e dheut dhe gurëve të hequr ishte sa një parking për 4-5 vetura, thuhet në letrën e LDK-së.
“Në vitin 2014 nga vërshimet është dëmtuar ajo rruge. Në atë kohë, vet komuna e Prishtinës ka angazhuar kompani për të marrë material guror në këtë hapësirë, për të sanuar gjendjen e rrugëve pas vërshimeve. Kjo konfirmohet edhe nga vetë Ahmeti”, thuhet në reagimin e LDK-së, teksa ia bashkëngjit një artikull të Kohës Ditore, të datës 24 qershor 2016.
LDK thotë se më datë 26 tetor 2015, komuna e Prishtinës shpall fituesin e tenderit për ndërtimin e mureve mbrojtëse po në ketë rrugë, pas dëmtimit nga vërshimet dhe gjatë realizimit të këtij projekti është marrë material në atë pronë. Lexo këtu!
“Eksploatimi i materialit në ketë pronë ka vazhduar pa ndërprerë pikërisht nga kompanitë e ndërtimit të rrugëve të kontraktuara nga komuna e Prishtinës gjatë dy-tri viteve të fundit. Akuzat e komunarëve dhe Vetëvendosje se fajtorin duhet kërkuar para 3-4 viteve janë kryekëput të ulëta dhe naive. Por edhe sikur kjo gropë të ishte hapur para 4 viteve, udhëheqja komunale është dashur ta mbyllë pas shumë ankesave të banorëve të lagjes, të cilat nuk janë përfillë”, thuhet në reagimin e LDK-së.
LDK thotë se Shpend Ahmeti dhe partia e tij duhet t’u përgjigjen qytetarëve të Prishtinës dhe gjithë Kosovës, se përveç Drejtorisë së Inspeksionit, cilat janë detyrat e Drejtorisë së Emergjencave në komunën e Prishtinës, apo cilat janë detyrat e Këshillit për Siguri në Bashkësi.
“Drejtoria e Emergjencave e ka për detyrë që të evidentojë të gjitha rreziqet potenciale që ju vijnë banorëve të Prishtinës. Në rastin konkret të gjitha drejtoritë e komunës së Prishtinës dhe kryetari i saj, janë përgjegjës për vdekjen e fëmijëve”, thuhet në letrën e LDK-së.
“Degët e LDK-së, i bëjnë thirrje kryetarit të Komunës dhe autoriteteve lokale, të mos merren me politika globale dhe nacionale, por të kryejnë detyrat e parapara me ligj, përndryshe po rrezikohet për çdo ditë jeta e qytetarëve. Po të respektohej ligji dhe përgjegjësitë e pushtetit lokale, sot Prishtina nuk do të ishte në zi, për vdekjen e dy fëmijëve të pafajshëm”, thuhet në kumtesë.
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Konkursi për gradimin e policëve, dyshohet për favorizime të familjarëve të eprorëve
Italiania e dashuruar me Sarandën: Sa erdha thashë do të jetoj këtu, tani kam biznes
Meta: Ambasadorin italian do ta kisha shpallur “non grata” në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur