Lajçak takon nënsekretaren Nuland: De-eskalimi i situatës në veri duhet të ndodh menjëherë

I dërguari i BE-së për dialogun Kosovë-Serbi, Miroslav Lajçak gjatë qëndrimit në Washington D.C, është takuar me nënsekretaren amerikane, Victoria Nuland.

Lajçak dhe Nuland kanë diskutuar për situatën në veri të Kosovës, dhe janë pajtuar që është de-eskalimi i situatës është e një rëndësie të menjëhershme.

“Kisha një bisedë të mirë me nënsekretaren Victoria Nuland. Kemi ndarë të njëjtin vlerësim rreth situatën në veri të Kosovës dhe rrugën për të dalë nga kjo situatë. U pajtuam që e një rëndësie të menjëhershme është de-eskalimi dhe rikthimi në dialogun e lehtësuar nga BE-ja”, ka shkruar Lajçak në Twitter.

Lexo po ashtu Lajçak: Refuzimi i takimit në Bruksel nga Kurti e Vuçiq, mund të ketë pasoja serioze

Lajçak sot gjithashtu ka deklaruar se situata në veri është delikate dhe se ai ndjehet shumë i brengosur.

“Situata është kritike dhe ne duhet të diskutojmë hapat e ardhshëm. Situata është shume e tensionuar dhe unë jam i brengosur nuk mund ta fsheh këtë. Ne duam që njerëzit të largohen nga rrugët, të rikthehemi në dialog dhe të kemi zgjedhje të reja me pjesëmarrjen e serbëve pa kushte”, tha Lajçak. /Telegrafi/

Had a very good conversation with @UnderSecStateP Victoria Nuland. We shared the same assessment of the situation in the north of Kosovo and the way out. Agreed on the importance of immediate de-escalation and return to the EU-facilitated Dialogue. pic.twitter.com/SHE65N3mZg

— Miroslav Lajčák (@MiroslavLajcak) June 20, 2023