Lajçak: Nuk ka nevojë për ndërhyrje nga jashtë, formimi i qeverisë është në duart e politikanëve të Maqedonisë

Shumë e pazakontë dhe për të ardhur keq është që për Maqedoninë ka ndërhyrje të tillë nga jashtë në proceset e brendshme, pasi që formimi i Qeverisë me të vërtetë është proces i cili duhet të jetë në duart e politikanëve vendor, përcjell Telegrafi Maqedoni.

Këtë mesazh e ka dërguar ministri i Punëve të Jashtme i Sllovakisë, Mirosllav Lajçak në diskutimin për Ballkanin Perëndimor të Këshillit të Punëve të Jashtme të Bashkimit Evropian në Bruksel.

Siç njofton korrespondenti i AIM nga Brukseli, Lajçak qëndrimin e tij e përsëriti në një deklaratë për AIM pas përfundimit të takimit të Këshillit kushtuar, sipas tij, më së shumti Bosnjë e Hercegovinës dhe Maqedonisë.

I pyetur nëse ministrat e kanë dënuar platformën shqiptare në Maqedoni si ndërhyrje të një shteti të huaj në çështjet e brendshme të vendit, shefi i diplomacisë sllovake me përgjigje: – Ky është debat. Ne nuk sollëm konstatime formale, kështu që ta dini, ministrat i thonë vetëm qëndrimet e tyre. Dhe kjo u tha dhe unë para pak çastesh thashë për agjencinë tonë se është e pazakontë dhe për të ardhur keq që vendi të ketë ndërhyrje nga jashtë në proceset e brendshme. Pasi që formimi i Qeverisë me të vërtetë është proces i cili duhet të jetë në duart e politikanëve vendorë. Kështu, është faktor që në mënyrë shtesë e komplikon punën”, theksoi Lajçak.

Para fillimit të Këshillit të sotëm të BE-së, pikërisht Mirosllav Lajçak deklaroi se dy shtete të Ballkanit janë para shkatërrimit, ndërsa tre janë në krizë të madhe politike, duke potencuar se Federika Mogerini nga turneu ballkanik është kthyer e frustruar. /Telegrafi/