Lajçak bisedon me presidentin e Maqedonisë para takimit të së shtunës

Përfaqësuesi Special i Bashkimit Evropian për dialogun Kosovë-Serbi, Miroslav Lajçak, para takimit të së shtunës në Ohër është takuar me presidentin e Maqedonisë së Veriut, Stevo Pendarovski.

Lajçak ka falënderuar Pendarovskin për mikpritjen dhe e ka informuar atë për gjendjen e zhvillimeve në dialog dhe pritshmëritë.

Lexo po ashtu Kurti arrin në Ohër për takimin e nesërm me Vuçiqin

“Mbërrita në Maqedoninë e Veriut, përpara takimit të nesërm të nivelit të lartë të dialogut. U takova me presidentin Stevo Pendarovski. E informova atë për gjendjen e zhvillimeve në dialog dhe pritshmëritë. Faleminderit për mikpritjen e Maqedonisë së Veriut”, ka shkruar emisari Lajçaj në rrjetin social Twitter.

Ndryshe, kryeministri i Kosovës, Albin Kurti ka arritur në Ohër ku do të takohet me presidentin serb, Aleksandar Vuçiq, me të cilin do të diskutojnë për planin evropian, i cili parasheh normalizim të raporteve mes të dyja vendeve. /Telegrafi/

Arrived in 🇲🇰 today. Ahead of tomorrow’s High-level meeting of the Dialogue I met with President @SPendarovski to inform him about the state of play in the Dialogue and expectations. Grateful for North Macedonia’s hospitality. pic.twitter.com/xf6GgByttL

— Miroslav Lajčák (@MiroslavLajcak) March 17, 2023