Komuna e Prishtinës ka shpalosur projektin e lagjes “Model”, lagje kjo e cila pritet të ndërtohet në Bërnicë të Poshtme, ku përfitues nga ky kompleks banesor do jetë punonjësit e sektorit publik si dhe familje me gjendje të rëndë sociale.
Kryetari i komunës së Prishtinës, Shpend Ahmeti këtë projekti si më të madhin që e ka bërë komuna e Prishtinës në fushën e mirëqenies sociale.
Ahmeti tha përfituesit nga projekti për “Banim me Kosto të Përballueshme” mund të jenë punëtorët e sektorit publik që nuk e kanë të zgjidhur çështjen e banimit, derisa theksoi konkursi për aplikim do jetë i hapur nga nëntori i këtij viti.
“Kemi hyrë në këtë projekt i cili fillon në Bërnicë të Poshtme për diku përafërsisht mbi 600-700 banesa të cilat do jenë në dispozicion me kosto të përballueshme për punëtorët e sektorit publik, kur them punëtorët e sektorit publik flas për mësimdhënësit, flas për punëtorët shëndetësor, flas për punëtorët administrativ, flas për Policinë…Është një lagje “Model” po e quajmë ne ky 29 për qind e sipërfaqes është banim ndërsa 71 për qind janë hapësira publike, fusha, çerdhe, shkolla, park në përgjithësi dhe ideja është që dikush me një pagesë relativisht të ulët prej 150-200 euro në muaj do të mund të ketë një banesë në dispozicion dhe këtu nuk po flasim për qira…Nuk kemi shkuar me banesa 40 metra, 50 metra, por kemi shkuar me banim dinjitoz, ku një familje me 3 fëmijë duhet ta ketë një banesë tri dhomëshe”, tha Ahmeti.
I pari i Prishtinës tha se projekti për lagjen “Model” pritet të filloj në fillim të vitit të ardhshëm, dhe se në këtë kompleks banesor do të integrohen edhe familjet me gjendje të rëndë sociale.
Ahmeti po ashtu theksoi se këto banesa nuk janë të dedikuara për persona që mbajnë poste të lartë në komunë.
“Një pjesë e këtyre banesave do t’i përdorim edhe për strehim social sepse kemi thënë qe një kohë të gjatë që ne nuk mendojmë që banesat sociale të jenë të izoluara në mes vete si geto, por duhet të integrohen në lagje të ndryshme këtu do e bëjmë edhe integrimin e parë. Nuk do ketë banesa në dispozicion për kryetarët e komune e për drejtor komunal edhe pse po e them bukur të mira, nuk është për poste përkundër faktit se edhe ne jemi shërbyes publik, por është thjesht e menduar për të gjithë ata nuk kanë pasur mundësi asnjëherë në jetë jo vetëm që të blejnë banesë“, u shpreh Ahmeti.
Detaje rreth ndërtimit të lagjes “Model” e cila pritet të jetësohet në Bërnicë të Poshtme dha edhe drejtori i Mirëqenies Sociale, pranë komunës së Prishtinës, Dren Kukaj i cili tha se për këtë projekt janë analizuar edhe lagje të tjera të Prishtinës si Ulpiana, Bregu i Diellit, Dardania.
Sipas tij ky kompleks banesor në Bërnicë të Poshtme është vetëm 4 kilometra larg qendrës së Prishtinës dhe ka karakter multifunksional.
Kukaj teksa i ka radhitur disa nga kriteret për të qenë përfitues për të jetuar në lagjen “Model”, tha se ky projekt nuk paraqet çrregullim të tregut.
“Përfituesit mos ta kenë çështjen e banimit të zgjidhur e kjo për ne i bie që janë duke jetuar me qira ose janë duke jetuar në bashkësi të mëdha familjare, dhe kriteri i dytë është kriteri ekonomik të jenë në kushte të vështira ekonomike, përveç këtyre kritere dhe pikë më shumë do kenë familjet që do jenë më të mëdha ..sa më të reja familjet aq më shumë pikë do ketë dhe kemi paraparë që me automatizë pikë shtesë do marrin gratë dhe një kategori tjetër janë ajo e nënave vetë ushqyese”, theksoi Kukaj.
Në këtë konferencë për media ku u prezantua projekti për “Banim me Kosto të Përballueshme” u tha se lagja në Bërnicë do e ketë të zgjidhur edhe çështje e parkingut, si dhe janë duke bashkëbiseduar me institucione financiare vendore dhe ndërkombëtare për të gjetur kreditor për këtë projekt.
Kompleksi banesor në Bërnicë të Poshtme i cili pritet të filloj të ndërtohet vitin e ardhshëm është bashkëpunim në mes komunës së Prishtinës dhe Ndërmarrjes Publike Banesore. /KP/
Promo
Reklamo këtuLufta Prigozhin - Putin
Më shumëU raportua se tregoi para Policisë së Serbisë të dhëna për UÇK-në, Durmishi: Është dokument i falsifikuar, jo deklaratë e imja - nuk shantazhohem dot nga UDB-ja
Rrëshqet dheu në rrugën Klinë - Gjakovë, bllokohet qarkullimi i automjeteve
Mospërfshirja e Kosovës në agjendën e Komitetit të Ministrave, eurodeputeti holandez: Shtetet anëtare të KiE-së iu përulen Serbisë
Shtyrja e afatit për regjistrimin e popullsisë, ASK jep detaje nga Plani i veprimit
Dështimi për anëtarësim në KiE, Haradinaj: Betejën e patëm humbur edhe në UNESCO dhe INTERPOL - jemi në rrethana të rënduara gjeopolitike, jo në vitin 1999 e 2008
Greqi, publikohen pamjet e momentit të vrasjes së Enkelejda Danajt nga ish-bashkëshorti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore