Christine Lagarde, shefja e ardhshme e Bankës Qendrore Evropiane duket se nuk ka frikë nga konfliktet.
Ajo si ish-presidente e Fondit Monetar Ndërkombëtar, pritet të marrë zyrtarisht detyrën e re në 1 nëntor dhe bashkë me të edhe shumë përgjegjësi në rritje.
“Debati, kundërshtimi dhe argumenti, janë të gjitha të nevojshme dhe të shëndetshme”, ishte shprehur ajo në një intervistë.
Paraardhësi i saj, Mario Draghi ka lëshuar një paralajmërim të qartë se, Banka Qendrore, e cila ka ulur normat e interesit në kufijtë historike dhe ka rifilluar programin e saj të blerjes së bonove, po arrin nivelet e mundshme të asaj që mund të bëjë për të stimuluar ekonominë e ngadalësuar të rajonit. Prandaj, sipas tij është koha e duhur që edhe qeveritë të hynë në lojë, për të stimuluar rritjen, përcjell Telegrafi.
Ndërkohë, mosmarrëveshjet brenda radhëve të Bordit të Bankës Qendrore po rriten. Më shumë se një e treta e anëtarëve të ekipit udhëheqës kundërshtuan vendimin e institucionit, në fillim të këtij muaji për të shtypur para për një afat të pacaktuar, me qëllim blerjen e aseteve financiare.
Nga ana tjetër, Sabine Lautenschläger, përfaqësuese e Gjermanisë në bordin ekzekutiv të Bankës Qendrore dhe kundërshtare e hapur e politikave të Draghit dha papritmas dorëheqjen.
Ndaj duket se drejtuesja e re e institucionit më të rëndësishëm të politikave monetare në kontinent, po merr pozicionin në një moment tepër kritik. Si do t’i zgjidhë ajo të gjitha këto dhe çfarë mendon rreth situatës aktuale?
E pyetur nga gazetarët, Lagarde është shprehur se, “është mirë që ka mendime të ndryshme. Nëse do të kishte unanimitet dhe konsensus, do të mungonte debati, i cili është aq i nevojshëm dhe produktiv, për rrjedhën e gjërave”.
Lagarde e cila ka shërbyer edhe si Ministre e Financave të Francës përpara se të kalonte në Fondin Monetar, pranoi se ka “shumë pyetje rreth asaj që po ndodh në këtë moment” në lidhje me rrugën më të mirë që duhet të ndjekin bankat qendrore.
Gjithashtu, ajo është shprehur se është përgjegjësia e saj për t’i bërë njerëzit bashkë dhe duke diskutuar e ndarë mendime me profesionistë, merren vendime më të mira në dobi të të gjithëve. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Abonohu në Shqip.ai - Zbulo pakot e reja të çmimeve
Sistemi bankar stabil
Qytetarët së shpejti do të rimbursohen për kthimin e shisheve të plastikës, qelqit e kanaçet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë