La Liga pritet të zhvillojë ndeshje çdo ditë për ta mbyllur sezonin me kohë

Për të përfunduar sezonin në kohë, La Liga pritet të zhvillojë ndeshje çdo ditë, madje edhe duke filluar nga ora 23:00, gjatë gjithë verës.

Bundesliga nisi sërish dje (e shtunë), me La Ligën dhe Serien A të vendosur për të filluar stërvitjen në grup nga nesër, pasi masat e bllokimit rreth pandemisë së coronavirusit janë lehtësuar.

Me një datë fillimi për ndeshjet rreth 13 qershorit, sezoni pritet të përfundojë gjatë pikut të verës.

Lexo po ashtu Marca: Harta për çdo kampionat në Evropë dhe situata aktuale – ligat e mëdha me datë, Kosova ende e pavendosur

Sipas gazetës spanjolle AS, kjo do të thotë një lojë e caktuar për çdo ditë të vetme në javë, me skuadrat që do të lejohen të paktën 72 orë ndërmjet ndeshjeve.

Për shkak të nxehtësisë ekstreme, disa ndeshje do të fillojnë në orën 23:00 për të shmangur nxehtit e madh.

Qëllimi do të jetë përmbyllja e sezonit deri më 29 korrik, kështu që ata më pas mund të përgatiten për Ligën e Kampionëve dhe Ligën e Evropës në gusht.

Lexo po ashtu Serie A ndeshje çdo tri-katër ditë për t’i bërë vend Kupës së Italisë dhe Ligës së Kampionëve

Protokolli i tyre mjekësor do të jetë i ngjashëm me modelin gjerman, kështu që nëse ndonjë lojtar ose anëtar i stafit teston pozitiv për Covid-19, ata do të izolohen dhe të tjerët do të provohen përsëri.

Vetëm Qeveria Italiane deri më tani po kërkon që i gjithë grupi të hyjë në një karantinë 15-ditore nëse një lojtar i Serie A rezulton  pozitiv me coronavirus. /Telegrafi/