Ky burrë strehoi dhjetëra protestues në shtëpinë e tij në Uashington, për t’i mbrojtur nga arrestimi

Një burrë në qytetin e Uashington u hapi derën e shtëpisë dhjetëra protestuesve që ishin rrethuar nga policia, pas nisjes së shtetrrethimit dhe mësymjes së policisë në kryeqytetin e SHBA.

Sipas raportimeve, në ora 06.00 të mëngjesit kur skadoi koha e ndalim-qarkullimit, më shumë se 60 njerëz dolën nga shtëpia e tij tre-katëshe duke brohoritur e duke duartrokitur të zotin e saj Rahul Dubey.

Dubey, një 44-vjeçar indiano-amerikan, reagoi instinktivisht kur policia po shpërndante me dhunë protestuesit, përcjell gsh.

Një nga protestuesit, 22 vjeçari Meka, tha se po protestonte paqësisht kur policët bllokuan të dyja daljet e rrugës Swann Street në veriperëndim të qytetit.

Ai thotë se policia nisi të mësyjë ndaj tyre, duke i shtyrë e duke goditur, duke përdorur ‘sprej’ djegës dhe duke mos i lënë të largoheshin.

Në këtë moment Dubey që po ndiqte skenën nga hyrja e tij, hapi dyert e shtëpisë 500 metra katrorë.

Ai tashmë po quhet “hero” dhe “legjendë absolute” për aktin.

“Hapa dyert dhe duke u mbajtur te parmaku nisa të shtyj njerëzit drejt shtëpisë”, tha ai për revistën Esquire.

“Ishte si një tsunami njerëzish që policët po shtynin në rrugën time, dhe e gjithë përmbytja po hynte në shtëpi. Unë u thosha “Hyni brenda, hyni brenda, ngjituni lart”.

Dhuna e policisë u përshkallëzua pasi presidenti Donald Trump u dha një paralajmërim të ashpër protestuesve që nga shumë në vend u interpretuar si shpallje lufte.

Trump i përshkroi një pjesë të protestuesve si “anarkistë profesionistë, turma të dhunshme, zjarrvënës, grabitës, Antifa e të tjera”.

Police have pinned us down at 15th St & Swann St NW. Several flash bangs used earlier to disperse the crowd. Very tense. #dcprotest pic.twitter.com/mZvWKJpFXX

— Ken Duffy (@KenDuffyNews) June 2, 2020