Botë Nga Bota

Kush është amerikani që i vuri zjarrin vetes afër ambasadës izraelite në Uashington?

Para 1 viti

Një anëtar aktiv i Forcave Ajrore të SHBA-së i vuri flakën vetes jashtë ambasadës izraelite në Uashington, DC të dielën për të protestuar kundër luftës së Izraelit në Gaza, sipas raporteve dhe videove të postuara në mediat sociale.

“Emri im është Aaron Bushnell, unë jam një anëtar aktiv i Forcave Ajrore të Shteteve të Bashkuara dhe nuk do të jem më bashkëpunëtor në gjenocid”, citohet të ketë thënë ai në një video të incidentit, shkruajnë mediat e huaja, përcjell Telegrafi.

“Unë jam gati të përfshihem në një akt ekstrem proteste, por në krahasim me atë që njerëzit kanë përjetuar në Palestinë nga duart e kolonizatorëve të tyre, nuk është aspak ekstreme…”.

Aaron Bushnell’s sacrifice is unspeakably noble and will never be forgotten.
https://t.co/I70M8DgvA3

— The Palestinian (@InsiderWorld_1) February 26, 2024

Videoja tregon Bushnell, 25 vjeç, duke ecur në rrugën e ambasadës izraelite, e vendos telefonin e tij në tokë dhe derdh një lëng të panjohur nga një shishe mbi vete dhe e ndez atë duke bërtitur vazhdimisht “Liri për Palestinën”.

Oficerët e zbatimit të ligjit dëgjohen duke bërtitur në drejtim të Bushnell – duke i kërkuar për t’u ulur në tokë.

Njëri i drejton një armë – teksa ai është rrëzuar në tokë, duke bërtitur nga dhimbja.

“Nuk kam nevojë për armë, kam nevojë për zjarrfikës!”, një oficer dëgjohet duke bërtitur ndërsa oficerët e tjerë mbërrijnë në vendngjarje.

Burri u transportua në një spital lokal në gjendje kritike, thuhet në postim.

Bushnell vdiq më vonë nga plagët e tij, raportoi gazetarja Tania Jane në X.

Jane shkroi se të dashurit e Bushnell dhanë pëlqimin që një version i paqartë i videos të postohej në internet.

Një zëdhënës i Forcave Ajrore të SHBA-së konfirmoi për CNN se një pjesëtar i aviacionit në detyrë aktive ishte përfshirë në incident.

As people rushed to try and save his life, an Israeli embassy agent held a gun fixed on Aaron Bushnell following his self-immolation.
pic.twitter.com/apVD0joXUH

— Lowkey (@Lowkey0nline) February 26, 2024

Ndërsa një llogari në LinkedIn që me sa duket i përkiste Bushnell tregoi se ai kishte qenë në Forcat Ajrore që nga viti 2020 dhe së fundmi ishte një inxhinier DevOps.

Faqja e përshkruan atë si një “inxhinier softuerësh aspirues” me “një talent dhe pasion për të zgjidhur probleme komplekse me kode”.

Protesta e Bushnell vjen pasi lufta e Izraelit kundër Hamasit ka vrarë rreth 30,000 palestinezë, raportoi Associated Press, duke cituar Ministrinë e Shëndetësisë në Gaza.

Izraeli shpalli luftë pas sulmit të Hamasit në jug të Izraelit më 7 tetor, në të cilin u vranë rreth 1200 njerëz.

Ofensiva ajrore dhe tokësore e Izraelit që atëherë ka dëbuar rreth 80 për qind të popullsisë së Gazës nga shtëpitë e tyre. /Telegrafi/