Kush blen apartament në këtë ndërtesë, ka një surprizë që e pret poshtë – një Porsche krejt të re

Banorët që blenë apartamente në një nga ndërtesat më të shtrenjta të Sidneit, tani kanë një surprizë që i pret poshtë.

Blerësve të apartamenteve në One Sydney Harbour u ofrohet një flotë me Porshe krejt të reja.

Bëhet e ditur se prona rezidenciale ka shitur tashmë 95% të apartamenteve të saj me shitjet totale që arrijnë mbi 4 miliardë dollarë, përcjell Telegrafi.

Apartamentet e mbetura po shiten me çmime mahnitëse prej 1.68 milion dollarë për një dhomë gjumi, duke u rritur në 3 milion dollarë për një me dy dhoma gjumi dhe 5.3 milion dollarë për një ë me tre dhoma gjumi.

View this post on Instagram

A post shared by One Sydney Harbour (@onesydneyharbour)

Për këtë çmim, banorët marrin pishina dhe akses në një Porsche Macan ose Taycan.

Lendlease, kompania që zhvilloi pronën, kohët e fundit njoftoi se kishte bashkëpunuar me Outbound për të nisur flotën e re të automjeteve elektrike të Porsche (EV), e disponueshme për banorët e ndërtesës.

Banorët do të jenë në gjendje të largohen nga apartamentet e tyre në One Sydney Harbour dhe të kenë lehtësisht akses në një Porsche elektrike, gati dhe në pritje.

Ndryshe, One Sydney Harbor është një nga pronat më të shtrenjta të Australisë. /Telegrafi/