Dy javë pas fillimit të bombardimeve të NATO-s më 24 mars 1999, fushatat kriminale të Serbisë për spastrimin etnik të Kosovës nga shqiptarët vendas, shkuan duke u ashpërsuar dhe intensifikuar.
Kryeministri Albin Kurti ka përkujtuar se më 7 prill 1999, forca të armatosura policore dhe ushtarake të Serbisë sulmuan fshatin Abri e Epërme të Drenasit, duke i shënjestruar veçanërisht lagjet Demaku dhe Xhemajli, ku hasën në rezistencë nga ushtarët e Brigadës 111 “Adem Jashari” të Ushtrisë Çlirimtare të Kosovës.
“Pas disa orësh luftime të ashpra në mbrojtje të civilëve dhe të atdheut të tyre, më 7 prill 1999, ranë dëshmorë Xhevat Demaku – 24 vjeçar, bashkë me kushëririn e tij të parë Bedri Demakun – 22 vjeçar dhe bashkëluftëtarin e tyre Imer Shalën – 27 vjeçar nga fshati Dobrevë. Gjatë këtyre luftimeve u plagosën Besim Vrellaku, Xheladin Xhemajli, Driton Rama dhe Rexhep Hoxha,” ka shkruar Kurti në Facebook.
Në mesditën e 7 prillit 1999, forcat serbe i sulmuan banorët civilë te tunelet mes fshatrave Çabiq dhe Açarevë, ku nga predhat u vra e vetmja motër e dëshmorit Xhevat Demaku, Fatimja, së bashku me djalin e saj katërvjeçar Mirget Gashin, kurse vajza e saj Drenusha u plagos rëndë dhe në kushte lufte iu amputua dora. Atë ditë aty u vranë edhe Emurllah Gashi, Zarife Gashi, Bledar Gashi, Shaban Gashi, Enver Gashi, Sead Gashi, Sofije Gashi, Zade Gashi dhe Servete Gashi.
Në të njëjtën ditë, më 7 prill 1999, në afërsi të fshatit Lybeniq të Pejës, një grup prej 13 ushtarësh të Ushtrisë Çlirimtare të Kosovës dhe pesë banorësh civilë nga fshatrat përreth, ranë në një pritë të ushtarëve të Serbisë.
“Nga ajo ditë e deri sot që u bënë 25 vjet, ky grup prej gjithsej 18 personash, dëshmorë dhe martirë të lirisë së Kosovës, rezultojnë të zhdukur me dhunë: Hazir Bezeraj, Januz Bezeraj, Muhamed Bezeraj, Abedin Shala, Jeton Shala, Nazmi Shala, Sejdi Shala, Selim Shala, Valdet Shala, Demë Shala, Kushtrim Shala, Agim Gjocaj, Arben Gjocaj, Lulëzim Gjocaj, Nazmi Gjocaj, Selvete Gjocaj, Sylë Gjocaj dhe Deli Bricori,” ka thënë Kurti.
Ai ka thënë se shteti i Kosovës nuk do t’i harrojë dëshmorët dhe martirët e rënë gjatë luftës, për çka do të kërkojnë drejtësi deri në fund, për çdo rast dhe për secilin krim të kryer nga shteti i Serbisë në Kosovë.
Promo
Reklamo këtuLufta Prigozhin - Putin
Më shumëAmbasadorët e QUINT-it i shkojnë në zyre Kurtit – nuk dihet arsyeja
DW: Sinjale alarmi nga Ballkani - po përsëritet historia?
Kërkohet ligj për Gjergj Kastriotin - Skënderbeun, propozohet 28 tetori si festë kombëtare
Kosova ia ndaloi hyrjen, Petkoviq arsyetohet se vizita kishte karakter fetar
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
"Ratko Mlladiq hero i popullit" - grafitet që po provokojnë qytetarët shqiptarë në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'