Kurti bisedë telefonike me Moore, shpreh shqetësimin për veprimet e Thaçit rreth qeverisë së re

Kryeministri në detyrë Albin Kurti, ka zhvilluar sot një bisedë telefonike me drejtorin e Përgjithshëm për Çështje Politike në Ministrinë e Jashtme të Britanisë së Madhe, Richard Moore ka diskutuar për situatën politike në Kosovë, pandeminë COVID-19 dhe hapat e ndërmarra nga presidenti Hashim Thaçi pas mocionit të mosbesimit.

Kurti në një postim në Twitter ka shkruar se formimi i qeverisë së re duhet të jetë transparent dhe në përputhje me rezultatet e zgjedhjeve të 6 tetorit, të cilat kanë nxjerrë Lëvizjen Vetëvendosje parti të parë.

“Unë shpreha shqetësimet e mia lidhur me kushtetutshmërinë e hapave të ndërmarrë nga presidenti pas mocionit të mosbesimit. Procesi duhet të jetë transparent dhe në përputhje me rezultatet e zgjedhjeve të 6 tetorit dhe nuk duhet të harrojmë se jemi demokraci ku transferimi i pushtetit është i ligjshëm vetëm nëse është legal dhe kushtetues”, ka thënë Kurti.

Ai ka falënderuar zyrtarin britanik për kontributin e paçmuar të Britanisë së Madhe për Kosovën. /Telegrafi/

Friendly discussion today with @UKPolDirRichard.
We discussed the #COVID19 situation in both countries and the political situation in #Kosova.
I expressed my concerns regarding the constitutionality of steps taken by the President following the motion of no-confidence.

— Albin Kurti (@albinkurti) April 27, 2020

I stressed that the process must be transparent & in line with election results of 6 October & we must not forget we are a democracy where transfer of power is legitimate only if it is legal and constitutional.
I thanked Mr. Moore for #UK‘s invaluable contribution to #Kosova

— Albin Kurti (@albinkurti) April 27, 2020