Pasionin e saj për punë dore, Eglantina Nikqi e shndërroi në biznes fitimprurës gjatë pandemisë COVID-19.
Punëtorinë e saj të vogël, ajo e improvizoi në banesën ku jeton në Prishtinë.
“Në kohën kur u mbyllëm [si pasojë e masave kufizuese ndaj pandemisë], kisha kohë të lirë për t’u marrë me shumë gjëra. Kam pasur prirje për punë dore, por nuk kam pasur kohë të merrem, ta zhvilloj pasionin”, thotë Eglantina.
Me duart e saj, 38-vjeçarja krijon aksesorë, veshmbathje, stoli e gjëra të tjera.
Ato më pas i nxjerr online, ku edhe i bëhen porositë.
Pandemia COVID-19 shpërtheu në mars të vitit 2020, duke imponuar kufizime në lëvizje dhe mbyllje shërbimesh.
Kompania private, ku Eglantina punonte si kontabiliste, ndërpreu punën përkohësisht dhe ajo nuk dëshironte të mbetej pa ndonjë angazhim.
“Për diçka për të cilën jeni të pasionuar, mund të gjenden mënyra për të fituar para gjatë këtyre kohërave të vështira”, tregon ajo.
Kufizimet që solli pandemia mbyllën afro 3,000 biznese në Kosovë. Sipas të dhënave zyrtare, vetëm gjatë vitit 2021, rreth 3,300 punëtorë mbetën pa punë.
Por, shoqatat ekonomike thonë se numri i atyre që humbën punën gjatë pandemisë, është më i lartë.
Sipas të dhënave të Aleancës Kosovare të Biznesit, mbi 50,000 qytetarë humbën vendin e punës dhe rreth 20,000 biznese të sektorëve të ndryshëm falimentuan.
Eglantina thotë se nisi biznesin edhe nga frika për pasiguri financiare në të ardhmen.
“Rrjeteve sociale, ku fillova t’i shes produktet e mia, u bëra reklamë. Në fillim punoja fjongo për flokë dhe maska për t’u mbrojtur nga Coronavirusi. Filluan edhe porositë e para dhe kështu vazhdon edhe tani”, shprehet Eglantina.
Disa muaj pas ndërprerjes, ajo rinisi punën e rregullt si kontabiliste, por nuk e la anash as biznesin, të cilit i përkushtohet pasditeve ose mbrëmjeve.
Në muajin dhjetor, ajo u bë pjesë e panairit “Gratë në biznes”, i organizuar nga Ministria e Industrisë, Ndërmarrësisë dhe Tregtisë e Kosovës. Në këtë ngjarje, Eglantina ekspozoi produktet që i bëri gjatë pothuajse dy vjetëve pandemi.
“Edhe në panair kishte interesim për produktet e mia. Më shumë nga ndërkombëtarët; ata i vlerësojnë më shumë produktet që punohen me dorë. Neve në Kosovë na duken shtrenjtë. Sigurisht që janë më shtrenjtë se është më vështirë të punohen”, thotë ajo.
Produktet e saj kushtojnë nga 2 euro deri në 60 euro.
Eglantina synon që një ditë ta rrisë biznesin e saj dhe të punësojë gra që mund të punojnë gjëra të ndryshme, e që mund t’i eksportojnë më pas në vende të tjera.
“Jam në kërkim të granteve, që do të më mundësonin ta zgjeroj biznesin tim”, përfundon Eglantina.
Sipas statistikave zyrtare, vetëm 14 për qind e grave në Kosovë janë të punësuara, ndërsa rreth 9 për qind e bizneseve në vend janë në pronësi të grave. /REL/
Lufta Prigozhin - Putin
Më shumëKush është vajza biznesmene që po pushton tregun muzikor?
Kosova përfiton 90 milionë euro nga Banka Botërore
3, 2, 1 Volvo gati për ty!
A po kryhet më në fund rruga Kijevë-Zahaq - inspektohen punimet, Durmishi thotë se po bëhet me dinamikë të shtuar dhe me cilësi
50 brende botërore dhe 60 kuzhinierë pjesë e panairit Horeca - Frigo Deluxe
24 orë na ndajnë nga ngjarja e madhe Halving në Bitcoin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi