Kuç thotë se ndeshjen ndaj Viktoria Plzenit e kishin përgatitur për ta fituar

Edvin Kuç ka thënë se Ballkani e meritoi të fitonte në këtë ndeshje edhe pse pësuan humbje 1-0 ndaj Viktoria Plzenit.

Kapiteni i skuadrës nga Suhareka tregoi se ata ishin përgatitur për të fituar në këtë duel, por që u mungoi fati.

“Me kokën e nxehtë është vështirë për të folur. Kemi përgatitur lojën për ta fituar. Plzeni e ka kaluar grupin dhe ka luajtur pa presion”, ka thënë fillimisht Kuç pas ndeshjes për “ArtMotion”.

Lexo po ashtu Gjithçka çfarë ndodhi para, pas dhe gjatë ndeshjes, Ballkani 0-1 Viktoria Plzen

“E kemi ditur që Plzeni është ekip i fortë fizikisht. Në pjesën e parë ka munguar fati për të shënuar. Portieri i tyre 2-3 herë priti tentimet tona, pastaj një lojtar tjetër e largoi topin nga vija e portës. Do ta provojmë kualifikimin në Zagreb”.

“Kemi bërë shumë lojëra dhe nuk kemi presion. Faktikisht ne shkojmë për të fituar çdo ndeshje. Nuk jemi dorëzuar”.

Lexo po ashtu Ballkani 0-1 Viktoria Plzen, notat e lojtarëve

“Në pjesën e dytë kundërshtari luajti me kundërsulme. Në fund u mposhtëm, por kemi shans dhe do të luftojmë deri në fund. Tani kemi çdo tre ditë lojëra. Na mungoi edhe Ëalid Hamidi dhe Almir Kryeziu që u lëndua në stërvitje.

“Me ta do të ishim ndryshe sepse në momentin e fundit u desh ta ndryshonim edhe taktikën”, ka shtuar më tej ai. /Telegrafi/