Kthehet harmonia mes Ronaldos dhe Perezit, presidenti i ofroi ulëse afër tij për ta parë El Clasicon

Cristiano Ronaldo u kthye në Madrid për ta parë nga afër ndeshjen mes Realit dhe Barçës.

Kthimi në shtëpi u prit shumë mirë nga të gjithë, pasi ka qenë vetë lojtari që ka paralajmëruar klubin që do të ishte aty.

Marrëdhënia mes tij dhe Florentino Pérezit, tani është më e mirë se që ka qenë në vitet e fundit.

Presidenti madje shkoi për t’i ofruar atij një vend në zonë ku qëndrojnë kryesia e klubit, por portugezi me mirësjellje refuzoi, duke mos pranuar që të jetë në qendër të vëmendjes, fundja ai është lojtar i Juventusit.

E vërteta është se tani ka harmoni midis presidentit dhe ish-lojtarit të Real Madrid.

Portugezi u largua nga Bernabéu, pas një mikpritje të madhe që mori, plot lumturi dhe më shumë se i kënaqur nga triumfi i ekipit të tij kundër rivalit të përjetshëm.

Our legend Cristiano Ronaldo celebrating Vinicius’ goal ?#ElClasico #HalaMadrid #RMLiga pic.twitter.com/XpRWYn8jC2

— Mahad Daacad (@Mahaddaacad20) March 1, 2020

Për të shmangur problemet pas ndeshjes, ai i la dhjetë minuta e fundit të ndeshjes, duke mos e parë golin e Marianos.

Në Real Madrid, veçanërisht në mesin e drejtuesve, u pëlqeu shumë prania e Ronaldos në EL Clasico, pasi me këtë përfundoi edhe një lloj lufte e ftohtë që filloi me mungesën e sulmuesit për Topin e Artë, që e fitoi Luka Modric. /Telegrafi/