Komisioni Shtetëror Zgjedhor sot refuzoi ankesën e OBRM-PDUKM-së për votimin në vendvotimin 1789 në Novo Sellë për zgjedhjen e kryetarit të komunës, pasi që pas hapjes së kutive të votimit dhe pas numërimit të votave u konstatua se numri i fletëvotimeve në kuti përputhet me numrin e votuesve që votuan.

“Pas hapjes së materialit të votimit, pas numërimit nga anëtarët e KSHZ-së dhe zyrtarëve u konstatua se materiali i votimit është në rregull dhe janë konstatuar numrat të cilat kanë qenë në listë për verifikimin e rezultateve të përcaktuara, votat e marra dhe fletët e pavlefshme”, tha kryetari i KSHZ, Oliver Derkoski.

Siç është konstatua nga KSHZ pas numërimit të votave, 412 qytetarë ishin të regjistruar në Listën e votuesve, të dy kandidatët morën 197 gjegjësisht 210 vota, ndërsa pesë fletëvotime ishin të pavlefshme./Telegrafi/