Komisioni Shtetëror i Zgjedhjeve (KSHZ) në seancën e sotme, përmes shortit publik e ka konfirmuar renditjen e partive nëpër fletvotime.

Sipas shortit të KSHZ-së, partitë do t’i kenë këto numra:

1 – Partia Demokratike Shqiptare (PDSH)
2 – Partia Politike Demokrate
3 – LSDM dhe koalicioni “Mundemi”
4 – E majta
5 – Aleanca për Shqiptarët dhe Alternativa
6 – Zëri për Maqedoninë
7 – Unioni Demokratik Qytetar
8 – Integra
9 – Bashkimi Demokratik për Integrim (BDI)
10 – Unioni social-demokrat
11 – Asnjëherë e veriut, vetëm Maqedoni – Maqedonia e Vetme
12 – Partia e punës MORO
13 – Partia popullore e Romëve
14 – OBRM-PDUKM dhe koalicioni “Për ripërtëritjen e Maqedonisë”.

Nga KSHZ thanë se shorti për numrat ka qenë detyrim i tyre ligjor dhe do të vazhdojnë me punën e tyre, derisa nuk vendoset ndryshe.

Ndryshe, zgjedhjet e planifikuara për më 12 prill, u anuluan për shkak të përhapjes së coronavirusit./Telegrafi/