Kryetari i Malishevës, Ragip Begaj është në gjendje të rëndë shëndetësore. Si pasojë e infektimit me Covid-19, Begaj tash e një javë po mjekohet në Klinikën Infektive në QKUK.
Këtë lajm e ka bërë të ditur për KosovaPress, nënkryetari i Komunës së Malishevës, Hajdin Berisha, i cili shpreson që me angazhimin e madh të profesionistëve shëndetësor, Begaj do të arrijë të mposhtë Covid-19.
“Sot është dita e 10-të që prej kryetari Begaj është testuar për Covid-19, tri ditët e para të periudhës ka qëndruar në shtëpi, dhe më pas i është keqësuar gjendja e kryetarit dhe e kemi hospitalizuar. Aktualisht është duke u trajtuar në Klinikën Infektive në Prishtinë. Gjendja e tij paraqitet akoma e rëndë, mirëpo me një stabilitet të qëndrueshëm. Po shpresojmë që me gjithë punën që është duke u bërë dhe angazhimin edhe të profesionistëve shëndetësorë po shpresojmë ma të mirën, përndryshe gjendja akoma është e rrezikshme”, tha ai.
Nënkryetari Komunës së Malishevës një intervistë për KosovaPress ka folur edhe për masat e reja antiCovid të miratuara dje nga Qeveria e Kosovës.
Ai ka thënë se pavarësisht që nuk janë konsultuar paraprakisht nga Qeveria, këto masa janë përfill në përgjithësi në këtë komunë.o
“Si çdo komunë tjetër edhe ne i kemi përfill në përgjithësi vendimet e Qeverisë që janë marr ditën e djeshme. Edhe ne e ndajmë mendimin se është dashur paraprakisht një konsultë. Megjithëse ne si komunë jemi të qetë edhe për na numri i të prekurve, po mbahemi mirë me menaxhim të pandemisë. Megjithatë të gjitha masat që janë ndërmarr dje nga Qeveria e Kosovës janë zbatuar sot në përpikëri nga ana e mekanizmave komunal”, tha ai.
Pandemia sikurse në të gjitha komunat e vendit, edhe te bizneset në komunën e Malishevës ka ndikuar mjaftë negativisht.
Berisha bën të ditur se sektori i gastronomisë është goditur më së shumti
“Bizneset janë në gjendje të rënduar sidomos gastronomia është një prej sektorëve që është prekur më së shumti prej fillimit të pandemisë, nuk është gjendja e tyre e mirë, ndaj shqetësimin bashkë me ta që kanë protestuar sot. Shpresoj që të gjenden modalitete të tjera për të ju ndihmuar bizneseve e sidomos sektorit të gastronomisë”, tha ai.
Komunat nuk kanë buxhet të mjaftueshëm për t’u dalë në ndihmë bizneseve, andaj Berisha shpresat i mban te Qeveria nga e cila shpreson që të kalojë sa më parë projektligji për Rimëkëmbjen Ekonomike.
“Ju kemi ndihmuar për aq sa kemi pasur mundësi por buxhetet e komunave janë me kapacitet të limituar, por megjithatë kemi ndërmarr diçka sikur lirimin nga taksat, periodikisht i kemi liruar, por që ndihma më e madhe duhet të merret nga Qeveria dhe ne po presim që Ligji për Rimëkëmbjen Ekonomike të miratohet dhe të merr udhë sepse përnjëmend bizneset janë në situatë të keqe”, tha ai.
Kujtojmë se Qeveria e Kosovës miratoi të premten masat shtesë për mbrojtje nga Covid-19. Ndër to edhe mbylljen e shumë bizneseve gjatë vikendit.
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit