Adem Grabovci e ka një përkrahës të madh në sistemin Prokurorial. Ai është kryeprokurori i Prokurorisë së Prishtinës, Imer Beka.
Beka është në një linjë me Grabovcin për dy vendime: Të dy kanë mbetur të habitur se pse Gjykata Themelore e Prishtinës ka hedhur poshtë kërkesën për ndalimin e publikimit të përgjimeve nga Insajderi, dhe pse Prokuroria Speciale e Kosovës ka nisur hetime për vepër penale.
Kryeprokurori Beka ka thënë prerë se ish-shefi i Grupit Parlamentar të PDK-së, nuk duhet të hetohet.
“Nëse një prokuror nuk sheh të arsyeshme me ngrit diçka penale, nuk e di qysh një prokuror tjetër mundet me ngritë. Unë këtë s’e kuptoj”, ka thënë Beka në një intervistë për emisionin Komiteti të Gazetës Express.
Kryeprokurori Beka drejton Prokurorinë më të madhe në Kosovë që ka kompetenca për Prishtinë, Podujevë, Lipjan, Fushë-Kosovë, Drenas, Obiliq, e Graçanicë.
Ndonëse, prokurorët e kanë të ndaluar të komentojnë veprimet dhe vendimet e kolegëve të tyre, Beka ka dalë publikisht në mbrojtje të Adem Grabovcit, i cili po hetohet nga Prokuroria Speciale për dy vepra penale. Grabovci është marrë në pyetje javën e kaluar në cilësi të të dyshuarit.
Hetimi ka nisur pas publikimit të përgjimeve telefonike nga Gazeta online Insajderi.
Beka, madje ka kërkuar sqarime nga Prokuroria Speciale se a ka nisur hetimet pas presionit të publikun.
“Ata duhet me dhanë shpjegim jo unë, sepse unë nuk kam qasje në këto. Mirëpo unë si jurist dhe prokuror e kam vlerësu kështu”, ka deklaruar Beka.
Sipas kryeprokurorit Beka, rastet e tilla të hetimeve siç ka ndodhur me Grabovcin, krijojnë pasiguri juridike te qytetarët e vendit.
“Sepse pastaj nuk ka siguri juridike. Ku mbete siguria juridike për qytetarët? Përveç që e zbatojmë ligjin duhet të ofrojmë te qytetarët edhe siguri juridike, sepse ligji përveç që të akuzon edhe të mbron”, ka thënë Beka.
Në këtë intervistë, Beka gjithashtu ka deklaruar se ndjehet i habitur me vendimin e Gjykatës Themelore të Prishtinës, e cila ka hedhur poshtë kërkesën e Adem Grabovcit për ndalimin e publikimit të përgjimeve të “Dosjes së Shefave”.
Ai thotë se gjykata nuk është dashur që të bie pre e presionit të publikut që kërkonte vazhdimin e publikimit të përgjimeve.
“Unë kam dëgjuar që është bërë një kërkesë për masë të përkohshme për ndalim. Mua më ka habitë pse gjykata e ka hedhë poshtë atë kërkesë, sepse masat e fshehta përdoren vetëm për raste penale, që i ka procedurë prokurori, gjyqtarët. Atë moment që kryhet ajo punë, ato nuk guxojnë të përdoren absolutisht për asnjë gjë tjetër”, ka thënë ai. /Insajderi.com/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Prokuroria jep detaje për plagosjen e katër personave në Lupç të Podujevës
Të shtëna me armë në Lupç të Podujevës, katër të plagosur
Theret me thikë një person te Liqeni i Batllavës në Orllan
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës