Kryeministrja e Zelandës së Re planifikon lehtësimin e masave nga COVID-19

Sallonet e bukurisë, baret dhe sporti mund të kthehen në rendin e ditës për Zelandën e Re që nga java e ardhshme, pasi kryeministrja Jacinda Ardern, tha që vendi është në “gjysmë të rrugës së majës së Everest”.

Sipas mediave të huaja, përcjell Telegrafi, Zelanda e Re ka qenë nën kufizime të rrepta të bllokimit për më shumë se pesë javë, por numri i ulët i rasteve këtë javë – zero për dy ditë rresht – do të thotë që shpejti vendi do të largojë kufizimet.

Ardern dhe kabineti i saj do të marrin një vendim për uljen e nivelit të alarmit nga tre në dy të hënën, ndërsa nga dita e mërkurë, jeta mund të fillojë më normale dhe argëtuese.

Relaksimi i kufizimeve, i cili do të lejonte tubime deri në 100 njerëz, brenda dhe jashtë është mirëpritur nga i gjithë vendi.

Hapësirat publike si shesh lojërash dhe biblioteka do të rihapen, baret dhe restorantet do të jenë në gjendje të pranojnë klientë, udhëtimet dhe sporti priten të rifillojnë përfshirë dhe ligat profesioanle, por nuk do të ketë turma në stadium tani për tani. Shumica e punëtorëve do të kthehen në zyrë, megjithëse Ardern u kërkoi kujtdo që mund të qëndrojë në shtëpi, sipas dëshirës./Telegrafi/