Kris Jenner ka tërhequr sërish vëmendjen e publikut me pamjen e saj më të fundit gjatë një daljeje në Paris, ku shfaqi një model të ri flokësh dhe një fytyrë të rifreskuar pas një liftingu prej 100 mijë dollarësh (92 mijë euro).
69-vjeçarja, e njohur për stilin e saj të përhershëm me flokë të shkurtër, ka zgjedhur një pamje më të butë dhe moderne me baluke që i rrethojnë fytyrën, duke theksuar ndërhyrjen estetike të realizuar nga kirurgu i famshëm plastik Dr. Steven M. Levine.
Jenner ishte e shoqëruar nga partneri i saj prej shumë kohësh, Corey Gamble, teksa çifti u pa në një dalje romantike në mbrëmje, shkruan DailyMail.
Ajo kishte zgjedhur një fustan të zi elegant me detaje luksoze, të kombinuar me një çantë Hermès dhe taka me majë të hapur, duke reflektuar një stil të rafinuar e rinor.
Fytyra e saj, e rimodeluar rishtazi, ishte theksuar me grim të butë por të kuruar — një përzierje perfekte mes klasikes dhe modernes.
Ndërkohë, Corey kishte veshur një kostum kamoshi me elementë të errët dhe një gjerdan të ndritshëm, duke u shfaqur në harmoni të plotë me stilin e Kris.
Burime pranë saj zbulojnë se Kris ka përjetuar një transformim të plotë jo vetëm në pamje, por edhe në stilin e jetesës.
Thuhet se ajo ka kaluar nga madhësia 10 në madhësinë 6 të rrobave, duke i rikthyer përmasat që kishte në vitet e 80-ta.
Dollapi i saj është rinovuar plotësisht për të reflektuar format e reja dhe ndryshimin e stilit personal.
Edhe pse Jenner nuk ka komentuar publikisht mbi arsyet e rënies në peshë, spekulimet përfshijnë edhe përdorimin e mundshëm të ilaçit Ozempic, një medikament i përdorur për diabetin dhe humbjen e peshës.
Megjithatë, ajo vazhdon të theksojë rëndësinë e një stili jetese të shëndetshëm dhe të qëndrueshëm.
Në daljet e fundit dhe në rrjetet sociale, Kris ka marrë komente të shumta për pamjen e saj rinore dhe elegante, duke dëshmuar se edhe në të 70-at, mund të shkëlqesh me stil dhe vetëbesim. /Telegrafi/
