HaPiTe Space rikthehet me një tjetër ngjarje për profesionistët e fushës kreative dhe teknologjike.
Më 29 tetor 2025, në orën 17:30, mbahet eventi me temën “Krijimi i përmbajtjes përmes AI”, që do të eksplorojë mënyrat se si inteligjenca artificiale po transformon botën e komunikimit, marketingut dhe krijimtarisë.
Në një kohë kur mjetet e AI po bëhen pjesë e përditshme e punës së krijuesve, dizajnerëve, marketerëve dhe zhvilluesve, ky diskutim synon të tregojë se si teknologjia mund të përdoret në mënyrë të zgjuar dhe etike, pa humbur thelbin e kreativitetit njerëzor.
Në panel do të jenë:
- Bardh Sokoli, Drejtor Kreativ në Reanimatori, i cili do të flasë për ndikimin e AI në procesin krijues, prodhimin vizual dhe mënyrën si po ndryshon qasja ndaj ideve dhe storytelling-ut.
- Labinot Gashi, MSc Ing. Software Engineer & Digital Marketing Expert, i cili do të ndajë përvoja praktike mbi përdorimin e mjeteve të AI për optimizimin e përmbajtjes digjitale dhe rritjen e efikasitetit në marketing.
- Valon Canhasi, moderator, nga Shkolla.ai
Folësit do të sjellin shembuj konkretë nga puna e tyre dhe do të hapin diskutime mbi potencialin që AI sjell për krijuesit e përmbajtjes në Kosovë dhe rajon.
Pse duhet të marrësh pjesë?
Nëse je pjesë e botës së marketingut, komunikimit, dizajnit apo teknologjisë, ky event është për ty.
Do të mësohet si AI mund të përdoret si bashkëkrijues në prodhimin e ideve, teksteve, videove dhe përmbajtjeve që frymëzojnë – pa e zëvendësuar njeriun, por duke e fuqizuar atë.
Përveç diskutimeve, ngjarja do të ofrojë mundësi për rrjetëzim profesional dhe shkëmbim idesh me njerëz që ndajnë të njëjtin pasion për inovacionin dhe kreativitetin. Hyrja është falas.
Regjistrohu tani këtu!
Mos e humb mundësinë për të qenë pjesë e këtij diskutimi që lidh krijimtarinë, teknologjinë dhe inteligjencën artificiale – aty ku ideja njerëzore takohet me fuqinë e AI-së.
