Krerët e partive politike shqiptare të Maqedonisë urojnë pavarësinë e Kosovës
Kryetarët e partive politike shqiptare të Maqedonisë së Veriut kanë uruar 12 vjetorin e pavarësisë së Republikës së Kosovës.
Ata shpresojnë që Kosova do të përparojë në ndërtimin e shtetit dhe mirëqenien e qytetarëve. Telegrafi Maqedoni më poshtë ju sjell urimet e tyre me rastin e pavarësisë së Kosovës:
Bilall Kasami:
“Pavarësia e Kosovës shënoi një kapitull të ri për shqiptarët. Pas shumë dekadash vuajtje, trysni dhe luftëra, më 17 Shkurt 2008 Kosova gëzoi pavarësinë dhe u shpall shtet i pavarur dhe sovran, i pranuar nga shumë shtete ndërkombëtarisht. Shpallja e pavarësisë së Kosovës ishte kurorëzim i një rrugëtimi të gjatë por edhe të dhimbshëm, sepse për t’u arritur ky ideal historik,u derdh shumë gjak dhe u shuan shumë jetë. Në emrin tim personal dhe të gjithë aktivistëve të Lëvizjes BESA, më lejoni të uroj 12 vjetorin e pavarësisë, duke shpresuar që Kosova të jetë gjithmonë e qetë dhe stabile, dhe t’i kontribuojë paqes dhe stabilitetit rajonal. Datat e rëndësishme janë pjesë e pa ndarë e jona, sepse të njëjtat na rikujtojnë historinë tonë të lavdishme kombëtare mbi themelet e së cilës duhet të ndërtohet e ardhmja e ndritshme e kombit tonë. Urime Kosovë 12 vjetorin e PAVARËSISË, rrofsh e qofsh”.
Ziadin Sela:
“Pas shumë viteve shtypje, maltretim, sakrificë okupim dhe represion nga Serbia më 17 shkurt të vitit 2008 Kosova shkroi faqen e parë të historisë së saj të re si shtet i pavarur dhe demokratik. Rruga deri te kjo ditë ishte e mbushur me luftë të ashpër e shumë gjak të derdhur; kujtime të hidhura që gjithmonë do të na përcjellin. Por, sot jam i lumtur që festojmë pavarësinë e Kosovës, me shpresë që rruga e shtetndërtimit të saj të shënojë edhe suksese tjera. Urime Kosovë 12 vjetorin e Pavarësisë!”.
Afrim Gashi:
Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran…., me këtë fjali nisi formësimi i shtetit më të ri evropian, 12 vite më parë, që t’i gëzojë anembanë kudo që jetojnë shqiptarët. Amaneti i brezave të mëparshëm do të jetë obligim i ynë që bashkërisht të ndërtojmë shtete ku shqiptarët do të jenë gjithnjë të bashkuar shpirtërisht dhe kulturalisht. Urime Kosovë 12 vjetorin e pavarësisë!”.
Vesel Memedi:
“Në emër të Rilindjes Demokratike Kombëtare dhe në emrin tim personal, shpreh urimet më të ngrohta për popullin e Kosovës dhe për shqiptarët në përgjithësi që festojnë këtë ditë monumentale, ditën e pavarësisë së Republikës së Kosovës. Republika e Kosovës është shtet i ri, por ky vend ka një histori të paharrueshme dhe vazhdon të ngeli gjallë në zemrat dhe mendjet e shqiptarëve kudo qofshin. Ky është vend i një sakrifice të madhe, në këtë vend e dhanë jetën shumë njerëz që luftuan për liri, në këtë vend janë burgosur shumë njerëz që luftuan për liri, në këtë vend lindën njerëz me arritje të mëdha profesionale, dhe gjith këta njerëz nuk kërkuan asgjë tjetër përpos të shohin liri në gjeneratat e sodit dhe atyre që do të vijnë në të ardhmen. Të arriturat e Republikës së Kosovës që festohen sot, qëndrojnë mbi supet e gjithë këtyre njerëzve. Kosova ka dhënë një kontribut të madh jo vetëm për shqiptarët që jetojnë brenda vet shtetit, por edhe shqiptarëve anembanë botës për zhvillimin e tyre kulturor, demokratik dhe ekonomik. Për shkak të kësaj sakrifice të përmasave të mëdha brenda dhe jashtë shtetit, liderët e shtetit të Kosovës duhet të bëjnë ç’mos që ky vend i sakrificës të tregojë urtësi të lartë udhëheqie, me qëllim të ballafaqimit sa më të mirë me sfidat e kohës që e presin vendin dhe rajonin në përgjithësi. Nuk ka dilemë se liderët e Kosovës kanë kapacitet të mjaftueshëm të ballafaqohen me sfidën e radhës të ballafaqimit me të vërtetën, një sfidë që duhet ta tejkaloj jo vetëm shteti i Kosovës, por i tërë rajoni i Ballkanit perëndimorë. Për hir të një sakrifice shekullore, duhet bërë ç’mos që të krijohen kushte sa më të mira për gjith popullin e Kosovës, dhe ne besojmë se e vërteta do ta çlirojë Kosovën përfundimisht. Qofshi gjithmonë të pavarur Kosovë. Zoti e mbusht këtë ditë për ju dhe për ne me shpirt patriotik. Më lejoni t’ju uroj dhe dëshiroj edhe shumë përvjetorë të tjerë në liri, paqe dhe prosperitet.Gëzuar dymbëdhjetë vjetorin Republika e Kosovës”.
Menduh Thaçi:
“Në këtë datë historike, gëzohemi për Kosovën që feston përvjetorin e dymbëdhjetë si shtet i pavarur, me ç’rast, urojmë që Republika e Kosovës të përparojë drejt mirëqenies së përgjithshme dhe integrimit të plotë euroatlantik. Kam nderin dhe kënaqësinë e veçantë që në emrin tim personal dhe në emër të Partisë Demokratike Shqiptare, në këtë përvjetor të rëndësishëm për të gjithë shqiptarët, t’ju dërgoj juve dhe popullit të Kosovës urimet më të përzemërta me shpresë e besim të plotë për një të ardhme më të ndritshme për të gjithë shqiptarët”.
Ali Ahmeti:
“Sot, në këtë përvjetor, me nostalgji i rikthehem idealit të një jete të tërë kushtuar kombit, Kosovës, lirisë. Sa shokë tanë ranë ndër vite dhe nuk e arritën ta përjetojnë atë për të cilën u flijuan, Kosovën shtet, sot i kujtoj me mall e me respekt të gjithë, lavdi të gjithë të rënëve për liri, më të mirëve të kombit! Gëzuar Kosovë nga biri yt, Abazi!”./Telegrafi/
Promo
Reklamo këtuLufta Prigozhin - Putin
Më shumëNga Rubrika
Fitim Doda ndalohet për vrasjen në tentativë në rrugën ‘Haxhi Zeka’, prokuroria kërkon paraburgim
U arrestua për sulm fizik ndaj një vozitëse dhe kanosje ndaj vozitësit tjetër, Policia jep detaje të rastit në Prishtinë
Djegia e shtëpisë dyshohet të jetë shkaktari i vrasjes së djeshme në Pejë – viktima dhe i dyshuari ishin miq
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Gostivar, këto janë rezultatet
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën