Ueb-faqet e disa medieve perëndimore kanë qenë në shënjestër të një operacioni pro-rus, që përdor hapësirën për komente për të shtrembëruar opinionin publik.
Kështu thuhet në një hulumtim të kryer në Britani të Madhe, duke shtuar se artikujt e medieve perëndimore kanë marrë shpesh komente në mbështetje të interesave ruse.
Hulumtimi i Institutit të Kërkimeve të Krimit dhe Sigurisë në Universitetin Cardiff thotë se këto komente pastaj janë shpërndarë në mediet në gjuhën ruse dhe janë përdorur si bazë për artikujt, që sugjeronin miratimin e publikut perëndimor për politikat e Kremlinit.
Operacioni, i cili, sipas studiuesve, është në vazhdim e sipër, ka pasur në shënjestër 32 media në 16 vende, përfshirë Washington Post dhe Fox News në Shtetet e Bashkuara dhe Daily Mail, Daily Express dhe The Times në Britani të Madhe.
Po ashtu janë shënjestruar Le Figaro në Francë, Der Spiegel dhe Die Welt në Gjermani dhe La Stampa në Itali.
Taktika është zbuluar këtë vit, por besohet se ka nisur së paku në vitin 2018 dhe se, së voni, është përqendruar në tërheqjen e Perëndimit nga Afganistani.
Ekipi nga Universiteti i Cardiffit thotë se kjo ishte vetëm pjesa e fundit e një fushate të gjatë. Ata identifikuan 242 artikuj ku deklarata provokuese pro-ruse ose anti-perëndimore u publikuan reagime ndaj artikujve të rëndësishëm për Rusinë.
Studiuesit përdorën teknika të njohjes për të analizuar komentet e lexuesve, të cilat sugjeruan se disa llogari po postonin përmbajtje pro-Kremlinit në një mënyrë të organizuar.
Ndonjëherë ata që komentonin akuzoheshin nga të tjerët në faqen e internetit se ishin komentues pro-rus, por në shumicën e rasteve ata nuk përgjigjeshin.
Këto komente më pas u morën nga mediet ruse të cilat morën lajmin origjinal dhe përdorën komentet për të ndërtuar një lajm në gjuhën ruse me një pjerrësi të veçantë që sugjeronte “Britanikët mendojnë X ose Y”.
Këto u lajme u publikuan për të sugjeruar mbështetje të gjerë midis qytetarëve perëndimorë për Rusinë ose presidentin Vladimir Putin. Artikujt do të publikoheshin në Rusi, por edhe në vende të tjera evropiane, veçanërisht në Bullgari, pastaj do të shpërndaheshin më tej në platformat e medieve sociale, përfshirë Telegram.
Shtetet e Bashkuara kanë fajësuar Rusinë për përdorimin e medieve sociale për të ndërhyrë në zgjedhjet presidenciale të SHBA-së në vitin 2016 dhe 2020. /Telegrafi/
Lufta Prigozhin - Putin
Më shumëUkraina tërheq nga vijat e frontit tanket amerikane Abrams për shkak të kërcënimeve nga dronët rus
Zelensky paralajmëron për një "Çernobil të dytë"
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Erdogan shtyn vizitën në Shtëpinë e Bardhë
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre