Krehje në kohë rekord

Kjo mënyrë për një kohë shumë të shkurtër i jep flokut tuaj pamje energjike dhe të freskët. Duke përdorur xhelin ju fiksoni formën.

1. Merrni pak xhel dhe e përhapni në gjithë flokun nga rrënja deri tek fundet. Mund të përdorni xhelin e thjeshtë ose atë brilant. Ky i fundit përdoret kur doni që floku juaj të ketë shkëlqim.

2. Për të përhapur xhelin përdorni gishtat ose krehrin që të përhapet në mënyrë të njëtrajtshme.

3. Krihni flokët, lëvizja e krehrit duhet të jetë e tillë që të fillojë nga rrënjët dhe të përfundojë në fund të flokëve. Përpiquni të përdorni një krehër jo shumë të imët, me dhëmbëza mesatare.

4. Bëni vizën mënjanë, duke ndarë me drejtim lart flokët që ndodhen në anën e djathtë të vijës dhe me drejtim poshtë ato që janë në të majtë të saj.

Ju këshillojmë:
* Në qoftë se floku është i lyer, atëherë duhet të përdorni gjithmonë kremin zbutës në mënyrë që floku të mos jetë shumë i thatë, pasi flokët nga boja ashpërsohen.
* Ky model mund të përdoret nga gratë forma e fytyrës së të cilave është vezake.
* Për sa i përket ngjyrës së flokëve mund të përdoret si nga zeshkanet, ashtu edhe nga biondet.
* Është i domosdoshëm një makijazh i lehtë gjatë ditës dhe më i theksuar në mbrëmje, në mënyrë që të dalin në pah tiparet.
* Përpara se ta aplikoni modelin mbi flokët tuaja lani flokët me një nga shamponët tuaj të preferuar.
* Thani flokun me tharëse, por jo plotësisht.
* Para se të filloni krehjen siguroni që masa e xhelit është përhapur në të gjithë flokët në mënyrë të njëtrajtshme./Telegrafi/