Deputeti i PSD-së, Frashër Krasniqi nëpërmjet një postimi në rrjetin social Facebook, ka paralajmëruar se nesër do të votohet buxheti për këtë vit.

Krasniqi gjithashtu ka shkruar se nesër do të shkarkohet Rikalo, dhe do të miratohet edhe Ligji për Paga.

“Nesër shkarkohet Rikallo. Nesër miratohet ligji për paga, që ua rritë pagat të gjithë punëtorëve të sektorit publik, kurse ua ulë politikanëve. Nesër miratohet ligji për dialog. Nesër bëhet komisioni ad-hoc për sistemin pensional”, ka shkruar Krasniqi.

Lekaj: Qeveria i ka votat për ta kaluar buxhetin, Rikalo shkarkohet nesër Lekaj: Qeveria i ka votat për ta kaluar buxhetin, Rikalo shkarkohet nesër

Ai këto i ka cilësuar si vendime me të cilat do të dëshmohet se në Kosovë mund të bëhet politikë e vërtetë.

“Nesër dëshmohet edhe njëherë që në Kosovë mund të bëhet politikë e vërtetë, konkrete, pa përfitim personal, për të mirën e qytetarëve të Kosovës”, përfundon Frashër Krasniqi shkrimin e tij.

Shkarkimin e Nenad Rikalos, ministrit të bujqësisë, e ka konfirmuar edhe ministri i Infrastrukturës, Pal Lekaj. /Telegrafi/