Kovaçevski reagon ndaj Kovaçkit: Në kohën e konfliktit të vitit 2001 isha në Maqedoni, ndihmoja bashkëqytetarët e mi

Atmosfera në seancën e sotme parlamentare është e ashpër.

Kryeministri Dimitar Kovaçevski i është përgjigjur me fjalë të ashpra deputetit Kovaçki i cili e quajti kryeministrin dezertor lufte.

“Unë do t’ju jap përgjigjen e pyetjes. Sepse në këtë Kuvend u betova, si obligim më i lartë dhe më i shenjtë, se do të respektoj Kushtetutën dhe ligjet dhe se do të punoj për ju, qytetarët. Sepse ju qytetarët meritoni të dini të gjitha informacionet, faktet dhe të dini se kush është çfarë, edhe si politikan edhe si person mbi të gjitha! Unë, Dimitar Kovaçevski, që në fillim si kryeministër kam premtuar se do të them vetëm të vërtetën, drejtpërdrejt, gjatë gjithë kohës! Në vitin 2000, në përputhje me të gjitha procedurat ligjore, bazuar në Ligjin e Mbrojtjes të vitit 1992, neni 51 dhe në kuadër të një procedure publike, në shumë nivele, bazuar në mendimin e ekspertëve – doktorëve të mjekësisë, dhe për shkak të shëndetësore, probleme me stomakun, problem me të cilin po përballem ende, është regjistruar pamundësia për të kryer detyrimin ushtarak. Jo unë, as familja ime, por persona të panjohur për mua, në komisionet e rekrutimit e kanë konstatuar një fakt të tillë! Dhe kjo në vitin 2000, para se të ndodhte konflikti dhe kriza ushtarake në vitin 2001! Nuk kam qenë as i pari dhe as i fundit rast i tillë, bazuar në një gjendje objektive mjekësore. E kam komunikuar të vërtetën qartë, me zë të lartë, saktë, plotësisht”, ka theksuar Kovaçevski.

Ai theksoi se shpifjen nga opozita maqedonase vijnë për faktin se janë zhytur në punë të dyshimta, me tenderë milionësh.

“Ky grup këtu në opozitë dhe kryeparlamentari i mëparshëm si drejtues i tyre dhe nën urdhrat e shefit të tij, së fundmi kanë pasur një problem të madh, shumë të madh! Sepse ata janë hajdutë, kriminelë, përtacë, batakçinj, hajdutë! Sepse po shpërbëhen brenda për shkak të ndarjes së parave dhe tenderave, si ky i fundit prej 136 milionë eurosh! Ndërsa e gjithë udhëheqja është dënuar me dhjetëra vite burg për krim! Shikoni, kush flet për ushtrinë, për paaftësinë dhe për manipulimet? Njeriu i cili derisa ishte në Armatë përgjonte, vidhte dokumente, shante kolegët, nxirrte informacione, bënte tregti me struktura të ndryshme të brendshme dhe të jashtme! Një dezertor që çnderoi uniformën e tij, shkeli betimin solemn ushtarak, hoqi epoletat dhe veshi një xhaketë për të bërë atë që padyshim di më mirë në Pallatin e Bardhë! Është një mjerim! Mjerim! Turp! Unë mendoj se ai ka nevojë urgjente për një ekzaminim mjekësor konsullor!. Më në fund, shkurtimisht. Në vitin 2001 kam qenë në Maqedoni, edhe në Shkup, por edhe në Kumanovë dhe kam ndihmuar babanë tim, kryetarin e LSDM-së, bashkëqytetarëve të Kumanovës, si të qetësohen tensionet deri kur ka përfunduar konflikti me Marrëveshjen Kornizë! Nuk kam ikur nga vendi. Në zgjedhjet e ardhshme parlamentare, fatmirësisht, jam i bindur se Parlamenti do të pastrohet prej tij dhe njerëzve si ai. Shteti është në duar të sigurta dhe i qëndrueshëm”, tha Kovaçevski.