Kourtney Kardashian bën debutimin në “Met Gala”, shkëmben puthje pasionante me partnerin Travis Barker gjatë parakalimit në tapetin e kuq

Dashuria e Kourtney Kardashian dhe Travis Barker më në fund u shfaq edhe në “Met Gala 2022”.

Çifti nuk ngopeshin me njëri-tjetrin teksa pozuan për foto në tapetin e kuq të veshur me dukje të ngjashme të “Thom Browne”.

Në modën tipike, dyshja ndaluan në ecjen e tyre përgjatë tapetit për të shkëmbyer puthje pasionante me njëri-tjetrin.

Dalja shënoi paraqitjen e parë të Kourtney në “Nata më e madhe e modës”, pavarësisht se anëtarët e familjes Kim, Kendall, Kylie dhe Kris ishin të gjithë të pranishëm në mbrëmje në vitet e kaluara, ky ishte gjithashtu viti i parë i Khloe që merrte pjesë në event.

Ylli e kombinoi fundin e saj me një bluzë të bardhë me mëngë të gjata dhe taka të zeza me majë. Ndërsa, bateristi e përshtati dukjen e tij me një këmishë të bardhë, me mëngë shumë të gjata, si dhe një xhaketë të zezë, pantallona me nuanca të errëta.

Kim veshi një fustan “Jean Louis” të veshur fillimisht nga Marilyn Monroe , ndërsa Kylie u rikthye në event me një fustan nusërie pasi mirëpriti fëmijën e saj të dytë në shkurt.

Ngjarja ishte një lehtësim i mirëpritur për Kardashian-Jenners – të cilët kaluan dy javët e fundit në gjykatë duke luftuar padinë e Blac Chyna për shpifje, shkruan PageSix.

Ndërsa Kim, Kris, Kylie dhe Khloe Kardashian ishin duke pritur për një vendim të premten, Kourtney dhe Barker shijuan disa ditë pushimesh në liqenin e Komo në Itali.

Lexo po ashtu Elon Musk shoqërohet nga nëna e tij, ish-modelja Maye Musk në tapetin e kuq të "Met Gala 2022"

Nata e familjes në “Met Gala” vjen disa javë pasi shfaqja e tyre e re, “The Kardashians”, u shfaq premierë në Hulu.

Në episodin e tretë, Kris zbuloi se Barker nuk harroi asnjë detaj përpara se t’i propozonte Kourtney-t në tetor 2021 – madje edhe duke vizituar varrin e babait të saj të ndjerë.

Kris tha se rokeri i “Blink-182” jo vetëm që kërkoi lejen e saj për t’i propozuar martesë, por edhe Robert Kardashian.

Robert, i cili ishte pjesë e famshme e ekipit ligjor të OJ Simpson, vdiq më 30 shtator 2003, pas një beteje me kancerin e ezofagut.

Ndërkohë, çifti gjithashtu shkëmbyen betimet në një ceremoni martesore jo të ligjshme në Las Vegas. /Telegrafi/