Numri i madh i qytetarëve që kanë emigruar gjatë këtyre viteve dhe numri i ulët i lindjeve kanë bërë që Kosova të hyjë në një krizë demografike.
Nëse vazhdohet me trendin e njëjtë, situata do të jetë edhe më shqetësuese gjatë viteve në vazhdim, ku sipas një raporti të Organizatës së Kombeve të Bashkuara, Kosova së bashku me Shqipërinë do të jenë vendet me popullsinë më të vjetër në Ballkan në vitin 2100.
E demografi Sami Behrami në një intervistë për Telegrafin, ka folur për trendët demografike në vend dhe krizën në këtë drejtim.
Ai shprehu shqetësimin e tij për lëvizjet që janë duke u bërë, duke thënë se vendi është një një krizë demografike.
“Trendët demografike në Kosovë në 10 vjeçarin e fundit janë shqetësuese. Kosova në njërën anë po përballet me trend shumë të ulët të lindshmërisë dhe me fluks të madh të emigranteve. Në shkencën e demografisë kur një vend ka lëvizje të tilla demografike, karakterizohet si vend në krizë demografike. Prandaj, lirshëm mund të themi se Kosova është futur në krizë demografike e cila kërkon rrugë zgjidhje”, është shprehur ai.
Duke folur për situatën aktuale, Behrami përmendi shkaqet që ndikojnë në plakjen e popullsisë.
“Niveli shumë i lartë i emigrimit sidomos e të rinjve, përcillet në ndryshimet demografike, përcillet në rënie të lindshmërie dhe shkakton plakje të popullsisë”, theksoi ai.
Gjithashtu, ai përmendi edhe efektet që do të ketë plakja e popullsisë.
“Në sferën socio-ekonomike ndikon në zvogëlimin e fuqisë punëtore, zvogëlim të produktivitetit të punës. Efektet e para negative të emigrimit dhe uljes së lindshmërisë vërehen në shkolla”, tha ndër tjera ai.
Behrami tha se sipas statistikave numri i nxënësve prej vitit 2008 është zvogëluar në 100 mijë, duke shtuar se trend të uljes ka pasur edhe në shkollat e mesme, dhe në universitete.
“Nëse nuk merren masa, situata mund të përkeqësohet edhe më tepër”.
Gjatë intervistës, ai tha se çështja e parë që duhet të adresohet nga institucionet është të ndikohet në faktorët që po shtyjnë të rinjtë të emigrojnë.
“Në bazë të disa studimeve papunësia është elementi kryesor që po ndikon në emigrimin e të rinjve, por edhe të punësuarit e kanë humbur shpresën për jetë më të mirë në Kosovë”.
Sa i përket studimit të Kombeve të Bashkuara, ku Kosova në vitin 2100 do të jetë vendi i dytë me popullsinë më të vjetër, thotë se nëse nuk merren masa, plakja e popullatës do të bëhet ngarkesë në sistemin shëndetësor dhe të sigurimet pensionale.
“Parashikimet janë problem i madh shkencor. Nuk ka dyshim që nëse nuk merren masa konkrete, moshimi i popullatës do të kthehet në problem me ngarkesa të sistemit shëndetësor por edhe të sigurimeve pensionale. Rritja e tyre do t’i ngarkojë këto sisteme, pasi kontributet grumbullohen prej njerëzve aktiv”, është shprehur ai
Ndryshe, që nga shpallja e pavarësisë 2008 Kosovën e kanë braktisur 375 mijë persona, shqetësuese vazhdon të jetë edhe rënia e natalitetit.
Në vitin 2009 në Kosovë kishte 34399 lindje në vit, numri është zvogëluar në vitin 2021 kur kanë qenë vetëm 22830 lindje.
Ndryshe, të dhënat e Kombeve të Bashkuara “Perspektiva e Popullsisë Botërore 2022” tregojnë se si po plaket popullsia nëpër vende të ndryshme të botës.
Sipas të dhënave, Kosova aktualisht ka 10.19 për qind të popullsisë mbi 65 vjeç. Kjo shifër pritet të rritet në 43.35 për qind deri në vitin 2100, bazuar në numrin e vogël të natalitetit dhe rritjen e nivelit të mortalitetit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe