LAJMI I FUNDIT:

Kosova dhe Mbretëria e Belgjikës nënshkruan marrëveshje për Sigurimet Sociale

Kosova dhe Mbretëria e Belgjikës nënshkruan marrëveshje për Sigurimet Sociale

Zëvendëskryeministri dhe Ministri i Punëve të Jashtme i Republikës së Kosovës, Behgjet Pacolli, pas një takimi, që ka zhvilluar me Ambasadorin e Mbretërisë së Belgjikës, Francois Bontemps, kanë nënshkruar nëpërmjet një ceremonie në ambientet e Ministrisë së Punëve të Jashtme Instrumentet e Ratifikimit të Marrëveshjes për Sigurimet Sociale në mes të Republikës së Kosovës dhe Mbretërisë së Belgjikës.

“Kam nderin që sot, të nënshkruajmë Instrumentet e Ratifikimit, përmes së cilave konfirmojmë datën e hyrjes në fuqi të Marrëveshjes për “Sigurime Sociale” në mes të dyja vendeve. Marrëveshja e lartpërmendur, përveç rëndësisë së përmbajtjes së saj, po ashtu do të lidhet me një shtet mik të Republikës së Kosovës, me qëllim të promovimit dhe thellimit të mëtejmë të marrëdhënieve dypalëshe dhe bashkëpunimin reciprok në fushën e sigurimeve sociale.”, ka thënë Pacolli.

“Jemi të nderuar e me fat të kemi Mbretërinë e Belgjikës përkrah Kosovës gjatë çdo sfide e suksesi. Jemi shumë të kënaqur edhe me intensifikimin e takimeve, konsultimeve politike dhe të gjitha format e bashkëpunimit të deritanishëm”, është shprehur tutje numri dy i Qeverisë, Pacolli.

Ministri i Punëve të Jashtme të Kosovës, Behgjet Pacolli dhe Ambasadori i Mbretërisë së Belgjikës, Francois Bontemps

Me këtë Marrëveshje, do t’i mundësohet shtetasve të dy shteteve, e drejta e tyre në pensionet kontribut-paguese (duke përfshirë dhe pensionet e kursimeve individuale – trusti pensional), pensionet familjare dhe pensionet invalidore të punës.

Shtetasit kosovarë, të cilët kanë punuar një kohë të gjatë në Mbretërinë e Belgjikës, do t’ju mundësohet, që pas arritjes të moshës së pensionimit, të kenë të drejtë, që këtë pension ta marrin në Kosovë.

Gjithashtu, shtetasve kosovarë do t’i mundësohet e drejta për t’i bashkuar periudhat e kontributeve (stazhit të punës), në mënyrë që të realizojnë pensionin, në rastet kur nuk është e mundur që të plotësojnë kushtet ligjore për pensionim qoftë në Kosovë apo në Belgjikë.

Në anën tjetër, personat, të cilët banojnë në Belgjikë dhe plotësojnë kushtet për përfitim të ndonjërit pension sipas legjislacionit të zbatueshëm, pala kosovare është e obliguar që ta transferojë pagesën e pensionit nga Kosova në Belgjikë.

Sipas marrëveshjes, çdo shtetas (kosovar apo belg), ka të drejtë të aplikojë në ndonjërin prej dy vendeve në këto lloje të përfitimeve.

Pacolli dhe Bontemps në konferencë për media

Kjo marrëveshje ishte nënshkruar më 20 shkurt 2018, në Bruksel, ndërsa pas në​nshkrimit dhe shkëmbimit të instrumenteve të ratifikimit ajo hyn në fuqi më 1 Qershor, 2019.

Në aspektin bilateral Republika e Kosovës dhe Mbretëria e Belgjikës janë përqendruar në rritjen e bashkëpunimit politik, ekonomik dhe sigurisë, ndërsa në atë multilateral, Belgjika vazhdon ta mbështes Kosovën në të gjitha organizatat ndërkombëtare.

Republika e Kosovës ka pranuar mbështetje të madhe nga Belgjika sidomos në Organizatën Botërore të Doganave (OBD); në avancimin e statusit në Frankofoni, ndërsa vazhdon të përkrahë fuqishëm vendin tonë edhe për anëtarësimin në Interpol dhe agjendën evropiane.

Mbretëria e Belgjikës kishte qenë njëri ndër shtetet e para, që e kishte njohur Kosovën si shtet të pavarur dhe sovran, më 24 shkurt 2008. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori