LAJMI I FUNDIT:

Kosnett përkujton sulmet e 11 Shtatorit: Reagimi nga Kosova vërteton lidhjen e thellë që ekziston ndërmjet dy popujve tanë

Kosnett përkujton sulmet e 11 Shtatorit: Reagimi nga Kosova vërteton lidhjen e thellë që ekziston ndërmjet dy popujve tanë
Foto: Arkiv

Ambasadori i Shteteve të Bashkuara të Amerikës në Kosovë, Philip Kosnett, në fjalën e tij gjatë ceremonisë në përkujtim të sulmeve të 11 Shtatorit ka thënë se sot është ditë zymtë për amerikanët.

“Në vendin tonë dhe anembanë botës, sot i përkujtojmë dhe mbajmë zi për pothuajse 3000 të pafajshëm që humbën jetën atë ditë”, ka thënë Kosnett.

Sipas tij, sulmet e 11 shtatorit ndodhën në tokën amerikane, por ato sulme patën ndikim kumbues në tërë bashkësinë ndërkombëtare, duke shtuar se amerikanët nuk ishin viktimat e vetme: në sulme vdiqën qytetarë nga 77 vende të ndryshme dhe duke vlerësuar se ky njëmend ishte sulm mbi civilizimin.

“E përkujtojmë vdekjen tragjike të viktimave; trimërinë dhe sakrificën e reaguesve të parë në Qendrën Botërore Tregtare dhe në Pentagon; si dhe guximin dhe shpirtin e udhëtarëve të Fluturimit 93 – qytetarë të rëndomtë amerikanë, përpjekja e suksesshme e të cilëve për ta rimarrë aeroplanin nga terroristët parandaloi edhe një humbje tjetër të madhe”, ka thënë Kosnett, thuhet në një njoftim të Ambasadës amerikane në Prishtinë.

Tutje Kosnett ka shtuar se amerikanët gjithmonë do ta përkujtojnë mbështetjen që Shtetet e Bashkuara të Amerikës e morën nga e tërë bota, e veçanti reagimin në Kosovë, të cilin e ka konsideruar si të menjëhershëm dhe të sinqertë, përcjell Telegrafi.

“Pas sulmeve, anembanë Kosovës, njerëzit u mblodhën për të marshuar në mbështetje të Shteteve të Bashkuara, për të ndezur qirinj dhe për të dhuruar gjak. Disa kosovarë madje dolën vullnetarë për t’ju bashkuar ushtrisë amerikane për të luftuar në luftën globale kundër terrorizmit. Kjo shprehje spontane e përzemërt e mbështetjes vërteton lidhjen e thellë që ekziston ndërmjet popullit të Amerikës dhe atij të Kosovës. Ky partneritet i qëndrueshëm tejkalon çdo parti apo udhëheqës politik”, citohet të ketë thënë tutje ambasadori Kosnett.

Ai gjithashtu ka vënë në pah edhe faktin se Kosova vazhdon edhe sot e kësaj dite të organizojë ngjarje përkujtimore e homazhe.

“Çdo vit në Prishtinë, policia, zjarrfikësit dhe reaguesit e tjerë të parë mblidhen rreth flamurit amerikan të ulur në gjysmështizë. Një organizatë vendore e shoqërisë civile ka filluar një festival të përvitshëm filmi kushtuar viktimave të 11 shtatorit duke ‘kremtuar jetën dhe duke luftuar shkatërrimin me krijimtari’. Më pëlqen kjo ndjenjë”.

“Çdo vit më 11 shtator, përderisa mbajmë zi për të vdekurit dhe e kujtojmë të kaluarën, le të përkushtohemi sërish për të synuar të ardhme më të mirë. Ta ‘luftojmë shkatërrimin me krijimtari’ duke punuar së bashku, këtu në Kosovë, në Amerikë dhe anembanë globit për të ndërtuar një botë të përkushtuar për paqe, prosperitet dhe drejtësi për të gjithë”, ka qenë mesazhi i ambasadorit amerikan në Prishtinë, Philip Kosnett. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori