Emmanuelle Chaze, korrespondente dhe reportere që punon për Deutsche Welle dhe France24, ka shkruar në Twitter se raportimi rrëqethës nga Izyumi i çliruar, thotë se pas tërheqjes së forcave ruse janë zbuluar varreza masive, në të cilat ukrainasit pretendojnë se gjenden kufomat e 440 civilëve.

“Sapo u ktheva në vendi ku është zbuluar varreza masive në Izyum. Është më zi se çfarëdo që mund të mendoni. Mund të konfirmoj se një pjesë e atyre njerëzve që janë gjetur të vrarë atje – ishin torturuar. Kanë pasur një vdekje të dhunshme”, ka shkruar ajo në Twitter, transmeton Telegrafi.

Në këto varreza masive janë gjetur kufomat e 17 ushtarë ukrainas – ku Chaze shtoi se këto kufoma janë dërguar në morg për t’ju kryer autopsia.

Reklama
Reklama

Chaze ka theksuar se kufomat e tjera të meshkujve ishin nga mosha të ndryshme duke filluar nga 18-vjeçarët.

“Duart i kishin të lidhura pas shpinës. Kishin marrë goditje në kokë me mjete të mprehta. U janë shtypur gjymtyrët”, ka shkruar Chaze.

Ajo madje publikoi fotografitë e zjarrfikësve që ishin përgjigjur për zhvarrosjen.

“Njëri më tha se e tërë njësia e tij pas këtij rivarrimi do të kenë nevojë për ndihmë të psikologut”, ka shkruar ajo. /Telegrafi/