Koreja Jugore ka 113 raste të reja me coronavirus, numri më i madh që nga muaji mars

Koreja Jugore ka regjistruar 113 raste të reja të infeksionit me COVID-19, njoftoi Qendrat Koreane për Kontrollin dhe Parandalimin e Sëmundjeve (KCDC), rritja më e madhe ditore e numrit të personave të infektuar në vend që nga muaji Mars.

Në Korenë e Jugut, e cila vlerësohet të jetë një nga vendet më të suksesshme në luftën kundër përhapjes së coronavirusit, deri më tani janë raportuar 14,092 raste, nga të cilët 86 kanë ardhur nga vendet e tjera ndërsa 27 raste kontakti, shkruan reuters, transmeton Telegrafi.

Rastet e ditës së sotme janë numri më i lartë ditor në vend që nga 31 Marsi, kur janë regjistruar 125 të infektuar rishtas me COVID-19.

Autoritetet shëndetësore të Koresë së Jugut njoftuan të premten se, për shkak të përhapjes së pandemisë në botë dhe numrit të madh të të infektuarve që vijnë nga jashtë, për herë të parë që nga prilli, ky numër mund të rritet në ditët në vijim.

Ndryshe, raportohet se një numër i madh i anëtarëve të ekuipazhit të një anijeje koreane u testuan pozitivë për coronavirusin, si dhe disa punëtorë që u kthyen në atdheun e tyre pas misionit ushtarak në Irak. /Telegrafi/