Kontrabandistët dogjën drogë me vlerë 30 milionë dollarë në Oman

Një grup kontrabandistësh iranianë është arrestuar pasi u shpëtuan nga një anije që digjej në det pranë Omanit.

Kontrabandistët nuk dogjën drogën me vlerë 30 milionë dollarë dhe nga anija e djegur u shpëtuan nga marina amerikane, e cila ia dorëzoi autoriteteve.

Re të mëdha tymi të dendur janë parë në ujërat e Gjirit të Omanit të mërkurën dhe është ndjerë një erë e fortë hashashi. Kontrabandistët besohet se i kanë vënë flakën anijes pasi vunë re një anije të marinës amerikane që iu afrohej atyre, tha Flota e Pestë e SHBA.

Pamjet ajrore tregojnë njerëz të bllokuar në anije, të cilët derdhën me siguri lëng të ndezshëm në ngarkesën e tyre. Pas kësaj ka ndodhur një shpërthim dhe një sasi e madhe tymi i dendur.

Kur flota detare, e cila po kryente një patrullë me qëllim parandalimin e kontrabandës së të tjerëve, arriti në anije, u zbulua një sasi e madhe droge. Kishte më shumë se 1745 kg hashash, 500 kg metamfetaminë dhe 30 kg heroinë. Vlera e drogës që nuk është djegur vlerësohet në 14.7 milionë dollarë. Kjo është vetëm gjysma e sasisë totale që ndodhej në anije, ndërsa pjesa tjetër u dogj ose u hodh në ujë.

Pesë të plagosur u shpëtuan nga anija që digjej, dhe ata janë iranianë. Një person konsiderohet i zhdukur. Kontrabandistët e arrestuar iu dorëzuan autoriteteve të Omanit. /Telegrafi/

(3/3) Video of the vessel catching fire prior to explosion pic.twitter.com/ZU1n8uuG1g

— U.S. Naval Forces Central Command/U.S. 5th Fleet (@US5thFleet) December 16, 2021