LAJMI I FUNDIT:

Konjufca: UÇK-ja është e pamenduar pa kontributin e komandantit Ilir Konushevci

Konjufca: UÇK-ja është e pamenduar pa kontributin e komandantit Ilir Konushevci

Me rastin e 24-vjetorit të rënies së heronjve të kombit, Ilir Konushevci dhe Hazir Mala, kryetari Kuvendit të Kosovës, Glauk Konjufca dhe ministri i Mbrojtjes Armend Mehaj, të hënën kanë bërë homazhe te varrezat e dëshmorëve në lagjen “Velania” në Prishtinë.

Kryeparlamentari Konufca theksoi se heronjtë, Ilir Konushevci dhe Hazir Malaj, 24 vite më parë ranë heroikisht në angazhimin dhe kontributin e drejtpërdrejtë për lirën dhe çlirimin e Kosovës.

Ai tha se UÇK-ja është e pamenduar pa kontributin e komandantit, Ilir Konushevci.

“Ilir Konushevci së bashku me Hazir Malën ia dhanë edhe të mbarën Ushtrisë Çlirimtare të Kosovës, sepse UÇK-ja nuk fitoi vetëm se ne e patën kauzën e drejt, por po ashtu edhe pse e patë fillimin e mbarë. E fillimin e mbarë pa dyshim që ia dha edhe komandanti më i shquar i saj, Ilir Konushevci dhe mund të thuhet që me vet faktin që përbrenda një harku kohor vetëm prej 5 ditësh ranë Ilir Konushevci, Agron Rrahmani dhe Bahri Fazliu, tregon për një goditje të madhe për Ushtrinë Çlirimtare të Kosovës. Po ashtu, vet fakti që ata e dhanë jetën për lirinë e Kosovës, rezultoi që me qindra e mijëra djem e vajza tjerë iu bashkuan UÇK-së dhe në këtë mënyrë ushtria jonë e lavdishme u përtëri dhe vazhdoi luftën deri në çlirimin e plotë të Kosovës. UÇK-ja është e pamenduar pa kontributin e komandantit Ilir Konushevci, i cili do të nderohet e kujtohet gjithmonë bashkë me të gjithë ata të cilët e dhanë jetën si dëshmorë për lirinë e kombit tonë”, theksoi Konjufca.

Kryetari Konjufca ka folur para mediave edhe për rastin e bartjes së përgjegjësive të presidentes tek kryetari i Kuvendit.

“Këto janë të rregulluara me ligj, nuk ka pasur ndonjë rast të tillë, e vetmja ajo që është e paraparë me protokoll është që njëra prej figurave politike të nivelit të lartë të qëndrojë në Kosovë dhe t’i performojë detyrat e veta. Përndryshe, nuk ka ardhur rasti deri në atë nivel”, theksoi ai./kp/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori