Kondovë, banorët kërkojnë nga autoritet t’i realizojnë premtimet

150 metër kanalizim në të cilën duhet të kyçen rreth 30 shtëpi t premtohen tani e 15 vite nga Komuna e Sarajit, për një lagje të vogël të fshatit Kondovë. Banorët e kësaj lagjeje detyrohen që ujërat e zeza t’i hedhin në një gropë të improvizuar gjë që mund të shkaktojë përhapjen e ndonjë epidemie. Të revoltuar nga mos interesimi i Komunës për këtë problem, qytetarët thonë se ky institucion kujtohet për ato vetëm gjatë kohës së zgjedhjeve.

Nga Komuna e Sarajit nuk deshën të prononcohen para kamerës se Alsat me arsyetimin se nuk janë të njoftuar me këtë problematikë dhe se qytetarët duhet të bëjnë kërkesë për një gjë të tillë.

“Gjendemi përpara komunës së Sarajit për të marr përgjigje për mungesën e kanalizimit në një lagje të vogël në fshatin Kondovë. Nga komuna e Sarajit thonë se qytetarët nuk kanë bërë një kërkesë të tillë. Të njëjtit duhet ta bëjnë tek Ndërmarrja Publike Saraj dhe nga komuna thanë se do të mundohen të gjejnë një zgjidhje të përbashkët.”

Qytetarët theksojnë se nëse për një kohë të shkurtër Komuna nuk gjen një zgjidhje ata paralajmërojnë edhe masa të tjera për shprehjen e revoltës./alsat/