LAJMI I FUNDIT:

Komunat e Pollogut në gjendje të rëndë financiare

Komunat e Pollogut në gjendje të rëndë financiare

Komunat rurale në Pollog ankohen se janë në gjendje të rëndë financiare. Thonë se shpenzimet iu janë shtuar për shkak të aktiviteteve për dezinfektim të vazhdueshëm si masë kundër virusit korona. Madje shumë ndërmarrje publike, për të dytin muaj me radhë, nuk mund ti sigurojnë as pagat e punëtorëve.

“Ne si komunë kemi ndërmarrë gjitha aktivitetet duke dezinfektuar gjitha rrugët lokale, hapësirat publike ku frekuentojnë njerëzit dhe kjo ka edhe koston e vetë financiare sepse ato dezinfektime kushtojnë. Nga ana tjetër, ne në këtë periudhë ne nuk kemi pagesa si në kushte normale, qytetarët nuk bëjnë pagesat e tyre që i kanë obligim dhe kjo neve na vështirëson funksionimin financiarisht në këtë periudhë”, deklaroi Blerim Sejdiu, kryetar i komunës së Zhelinës.

“Ditëve në vijim siç e shohim ka mundësi të ngelin edhe pa rroga punëtorët e punësuar në Ndërmarrjet publike. Kemi kërkuar nga Qeveria gjitha komunat që ata të bëjnë një platformë sado qoftë ajo por të ketë një ndihmesë që t`iu dalim në shërbim qytetarëve mos t`i lëmë në këtë gjendje”, tha Isen Shabani, kryetar i komunës së Vrapçishtit.

Krerët e komunave kërkojnë nga Qeveria fonde për të kapërcyer krizën e shkaktuar nga pandemia.

“Pushteti lokal është shtylla kryesore që duhet të merr pjesë nga ai borxh, sepse ne ballafaqohemi drejtë për drejtë me qytetarët. Pushteti lokal duhet të ketë mbështetje direke në këtë rast me financa nga Qeveria”, u shpreh Blerim Sejdiu, kryetar i komunës së Zhelinës.

Megjithatë ka edhe komuna të cilat nuk janë prekur nga kriza. E tillë është Komuna e Bërvenicës, e cila siç theu kreu i saj, Enver Pajaziti për momentin po i realizon projektet e planifikuara.

“Nuk kemi mbipunësime, nuk kemi bë punësime për vota. Ne kemi punësime sipas koeficientit të banorëve dhe ato rroga mjaftojnë për të punësuarit dhe për këshillin komunal. Sa i takon NPK-së ajo ka buxhetin e vetë, ka llogarinë e vete dhe ata arrijnë nga veprimtaria që bëjnë ta menaxhojnë, me vështirësi por i sigurojnë rrogat”, u shpreh Enver Pajaziti, kryetar i komunës së Bërvenicës.

Një pjesë komunave thonë se për muajin mars dhe prill, të hyrat në buxhetin e tyre janë ulur për më shumë se 80 për qind./Alsat//

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori