“Kompanitë në Maqedoni nuk duan zgjedhje të reja parlamentare, por regjistrim të popullsisë”
Katër muajt e fundit në krahasim me numrat dhe treguesit ekonomikë nuk ka zhvendosje, por është evident relaksimi i ndërmarrjeve. Ato veçmë mendojnë për investime, por vetëm nëse nuk ka zgjedhje të reja parlamentare, thonë nga Oda Ekonomike e Maqedonisë Veriperëndimore (OEMVP).
Në një intervistë për AIM, drejtori ekzekutiv i OEMVP-së, Drilon Iseni, tha se më në fund pas kaq kohësh ka disponim pozitiv te kompanitë lidhur me investimet.
“Shpresojmë se pas raundit të dytë të zgjedhjeve lokale, nuk do të kalkulohet me ndonjë variant të mbajtjes së zgjedhjeve të parakohshme parlamentare, pasi ato do të kishin efekt të madh negativ mbi biznesin”, thotë Drilon Iseni.
Kjo, shtoi Iseni, është ajo që nuk e presim dhe nuk do të dëshironim të ndodhë. Biznesit i nevojitet siguri juridike dhe politike. Për çdo rast, lëvizja e firmave jep shpresë se punët po shkojnë në drejtim të mirë.
Iseni dhe drejtori operativ Milaim Ameti analizojnë nëse subvencionet për rrogën minimale janë zgjidhja më e mirë, me çfarë rritje ekonomike do ta përfundojmë vitin, pse duhet të zbatohet regjistrimi i popullatës.
Ata porosisin që Maqedonia ta heqë mitin për fuqi të lirë punëtore dhe të orientohet së pari ndaj zvogëlimit të importit para se ta shtyjë eksportin.
“Regjistrimi i popullatës edhe më tej është një nga çështjet më të hidhura. Nebuloze janë arsyet pse nuk është zbatuar. Por, ta lëmë atë anash. Jozyrtarisht, shumë nga kuadrot e reja ikin, e nuk dimë saktë sa, as nuk dimë sa realisht banorë dhe amvisëri kemi. Regjistrimi do të japë një pasqyrë të qartë për atë se çfarë drejtimi ekonomik do të kapim si shtet, ku më së shumti do të përqëndrohemi, në cilat sfera, kush do të jetë targeti kryesor për ne”, tha drejtori ekzekutiv i OEMVP-së.
Sipas OEMVP-së shteti në vend që t’i japë kompanive subvencione për pagë minimale, të mendojë për përkrahjen dhe vendosjen e teknologjive të reja “now-how” që do t’i bëjë financiarisht më të fuqishme dhe më konkurrente, ndërsa trajtimi i barabartë i investuesve të huaj dhe të vendit të mos jetë vetëm lidhur me lehtësimin e tatimeve dhe subvencioneve, por edhe në pjesën e infrastrukturës.
Qëndrim i OEMVP është se edhe koncepti i tërheqjes së investimeve të huaja duhet të rihetohet.
“Gjithmonë kemi thënë se gjithë koncepti i tërheqjes së investimeve të huaja duhet të rihetohet sepse nuk jemi të sigurt se efektin që e jep është i mjaftueshëm për zhvillimin dhe rritjen e ekonomisë. Duhet të kërkohen mënyra për ndërlidhje me firmat vendore dhe të huaja, por edhe kjo nuk mjafton. Për këtë kërkojmë barazim, po jo vetëm në lidhje me tatimet dhe subvencionet, por edhe në lidhje me infrastrukturën. Nëse dëshiron ta trajtosh njëjtë investuesin vendor me atë të huajin, duhet t’i sigurosh kushte. Shteti këtu mund të bëjë gjithçka”, thotë Iseni.
Kompanitë-anëtare të OEMVP nuk kanë kurrfarë problemi me Ligjin e ri për pagën minimale. E përshëndesin vendimin e tillë sepse, mendojnë, do ta rrisë konsumin e qytetarëve dhe do ta lëvizë ekonominë, por, megjithatë, tregojnë se është mirë të mendohet se subvencionet për firmat janë zgjidhja më e mirë ose ndoshta duhet të shkohet me mbështetje për vendosjen e teknologjive të reja, makinerive dhe “now-how”, që do të kontribuonte që kompanitë të bëhen financiarisht më të fuqishme, vetë ta mbajnë barrën dhe të jenë më konkurruese.
Lidhur me zbatimin e ligjeve, thotë, ende ka selektim. Ndjehet diskriminim edhe në bazë etnike edhe në atë politike. A ka çfarëdo ndryshimesh në këtë kontekst, ende është herët të thuhet sepse kanë kaluar vetëm katër muaj nga formimi i Qeverisë së re.
Analizat e OEMVP tregojnë se Maqedonia do ta përfundojë vitin me maksimum 0,7 për qind rritje ekonomike, kundrejt vlerësimeve të fundit të Bankës Botërore për rritje prej 1,5 për qind.
Promo
Reklamo këtuLufta Prigozhin - Putin
Më shumëNga Rubrika
Abuzimi me foto dhe video intime të vajzave, dosja e Prokurorisë ndaj administratorit të “Albkings”
Çka po synon Serbia me testimin e armëve në kufi me Kosovën, flasin ish-ushtarakët
Arrestohet në Ferizaj një shtetas i Maqedonisë së Veriut, ishte në kërkim ndërkombëtar
Vuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Britania e Madhe reagon për protestën para Bashkisë së Tiranës: Molotovi nuk ka vend në demokraci
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Haradinaj kritikon ashpër Kurtin: Autostrada e Dukagjinit do të ndërtohet herëdokur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi