Unë, sigurisht, duke qenë shumë dashamirës me të gjithë njerëzit e forcave të rendit, si qytetar, duke i mbështetur në punën fisnike që bëjnë, jam krejt kundër që Policia të marrë kompetenca të jashtëzakonshme. Nuk ka kuptim që nga njëra anë e lëmë djallin të dalë nga shishja dhe pastaj për ta rifutur thyejmë grykën e shishes duke gjakosur veten. Lemë krimin të marri dhenë dhe pastaj marrim masa të jashtëzakonshme policore për ta përballuar. Nuk ndërtojmë dot shtet ligjor kështu. Bëjmë dy gabime që tronditin shoqërinë: edhe lëmë krimin rrugëve, edhe ndërtojmë shtet policor që edhe pse mund të veprojë kundër krimit, mbetet përsëri policor.
Çdo qytetar ka të drejtë të ketë të drejta.
Por, por, por… unë do të isha dakord që të gjithë shqiptarët të kishin detyrimin që të justifikonin brenda një periudhe, ta zëmë njëvjeçare, të gjitha pasuritë e tundshme dhe të patundshme që zotërojnë, kanë pas zotëruar, kanë dhuruar, kanë marrë dhuratë, kanë shkëmbyer, kanë lënë trashëgim etj.
Këtu të futen të gjithë, deputetë, profesorë, akademikë, gazetarë, ish-të burgosur, kryetarë partish, ish-ministra dhe ministra, lypsarë, drejtorë, ish-drejtorë, diplomatë, biznesmenë, të papunë, emigrantë që rikthehen ose kanë aktivitet në Shqipëri apo kërkojnë shërbime në atdhe.
Se edhe kështu, që të gjithë thonë: të gjithë vjedhim!
Edhe kështu që populli vjedh sepse politikanët vjedhin, edhe kështu që me lekët e vjedhjes investojmë në shkolla dhe media ku bëjmë fushata si të mos vjedhim, se edhe kështu kur ai që vjedh është i nderuar dhe ai që nuk vjedh është legen, edhe kështu që unë vjedh sepse ti vjedh, ne vjedhim se ata vjedhin, se ju vidhni, ne vjedhim, se edhe kështu që të gjithë hajdutë të gjithë viktima të vjedhjes, të gjithë shihemi si hajdutë dhe i shohim të tjerët si kusarë, kështu ne nuk do të jemi me shekuj veçse një bandë banditësh, kusarësh dhe do të vazhdojë loja: Polici-Hajduti
Një projekt pastrimi që të zgjasë 5-10 vjet. Me konsensus mbarëkombëtar.
Dhe, secili të dalë me një koeficient ndershmërie: ta zëmë, qytetari P.M. ka koeficient ndershmërie 53 për qind, sepse aq justifikon pasurinë, por qytetarja M.K. ka koeficient ndershmërie 41 për qind sepse ka vjedhur më shumë.
Kontroll profesional dhe qytetar. Me juri mikse specialistësh, qytetarësh dhe financierësh.
Kjo bëhet me standarde dhe norma shumë të sakta, që duhen përpunuar me shumë kujdes, të gjithëpranuara dhe jo me aksion me punë vullnetare.
Çfarë kanë për të na dëgjuar veshët dhe parë sytë!
Sa qejf kam të deklaroj se ku i kam gjetur paratë për të blerë “Audin” tim që e kam blerë me okazion, pasi ka bërë 400 mijë kilometra dhe është i vitit 1996!!
Një xhevahir është! Kjo është sfida që të kemi një Shqipëri të pastër.
Ta rinisim Shqipërinë pastërtisht!
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Edhe një iu shtua sot - sa shtete e njohin pavarësinë e Palestinës
Xabi Alonso mund të prishë planet e Barcelonës në Ligën e Kampionëve 2024/25
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Barcelona identifikon sulmuesin anësor si objektiv kryesor të verës
Dhjetë aeroportet më të pastra në botë - vetëm një është në Evropë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City