Marrëveshje të fshehta, përjashtime nga subjektet politike dhe shumë negociata të hapura e të fshehta i kanë karakterizuar zgjedhjen e kryesuesve të kuvendeve komunale.
Përfituesja më e madhe pas zgjedhjeve lokale pa dyshim ka qenë Partia Demokratike e Kosovës, i cila ka arritur koalicione në shumë komuna, ku nuk i ka fituar zgjedhjet.
Prishtinë – LDK-ja që ka fituar zgjedhjet për kryetar ka arritur të zgjedh edhe kryesuesin e Kuvendit Komunal, por pasi është arritur marrëveshja me PDK-në. Ende nuk dihen saktë detajet e ndarjes së pushtetit në kryeqytet, por dihet që PDK do të merr një pjesë të madhe të “tortës” edhe për shkak të numrit të asamblistëve që ka.
Prizren – PDK ka fituar zgjedhjet për kryetar të komunës, por me disa marrëveshje joformale ajo ka marrë edhe kryesuesin e Kuvendit. Asamblistë të LVV-së e LDK-së pa miratimin e partive të tyre kanë votuar kandidatin e PDK-së duke zgjidhur kështu problemin e kryesuesit. PDK në Prizren ka koalicion me AAK-në, NISMËN e AKR-në derisa po tenton të lidh marrëveshje edhe me LDK-në.
Pejë – LDK ka kryetarin e komunës dhe kryesuesin e asamblesë. Në këtë komunë LDK ka koalicion me PDK-në dhe disa parti tjera të vogla.
Gjilan – LVV ka kryetarin e komunës dhe sot ka arritur koalicion qeverisës me PDK-në. LVV ka marrë edhe kryesuesin e Kuvendit Komunal derisa PDK do të merr katër drejtori dhe nënkryetarin e komunës.
Ferizaj – Në Ferizaj PDK ka fituar zgjedhjet për kryetar qysh në raundin e parë, derisa kryesuesin e Kuvendit Komunal në këtë komunë e ka marrë AAK-ja.
Mitrovicë – Në Mitrovicë PDK ka kryetarin e komunës dhe kryesuesin e asamblesë. LDK në Mitrovicë ka akuzuar disa zyrtarë të lartë të saj për bashkëpunim me PDK-në duke i përjashtuar nga partia.
Gjakovë – AAK ka kryetarin e komunës, derisa PDK ka kryesuesin e Kuvendit komunal. AAK, PDK, PSHDK kanë koalicion në këtë komunë.
Podujevë – LVV në Podujevë ka kryetarin e komunës, derisa pas shumë tentimeve kryesues i asamblesë është zgjedhur asamblisti i PDK-së, duke evituar zgjedhjet e jashtëzakonshme.
Suharekë – AAK ka kryetarin dhe kryesuesin e kuvendit komunal. Në këtë komunë AAK ndan pushtetin me PDK-në.
Viti – LDK në Viti ka kryetarin e komunës dhe gjashtë drejtori, derisa PDK pos kryesuesit nga marrëveshja për koalicion me LDK-në ka marrë edhe pesë drejtori komunale.
Klinë – Në këtë komunë ka vazhduar koalicioni i katër viteve më parë. AAK ka kryetarin derisa LDK përsëri ka marrë kryesuesin e Kuvendit komunal.
Istog – Në Istog LDK ka kryetarin derisa AAK si parti opozitare ka marrë kryesuesin e asamblesë komunale.
Rahovec – Derisa në këtë komunë AAK ka kryetarin e komunës derisa LVV opozitare ka marrë kryesuesin e asamblesë.
Malishevë – NISMA e cila ka kryetarin e komunës, i ka “dhuruar” kryesuesin një asamblisti që vinte nga LDK. Pas kësaj LDK e cila nuk është pjesë e koalicionit në këtë komunë ka përjashtuar asamblistët që u bënë pjesë e kësaj marrëveshje përfshirë edhe kryesuesin e ri të kuvendit komunal.
Dragash – LDK ka fituar zgjedhjet për kryetar të komunës, derisa pas marrëveshjes me LVV-në kjo e fundit ka marrë kryesuesin e asamblesë dhe disa drejtori.
Kaçanik – PDK ka kryetarin dhe kryesuesin e kuvendit komunal. Në këtë komunë ka marrëveshje koalicioni mes PDK-së e AAK-së.
Hani Elezit – PDK ka kryetari dhe kryesuesin e asamblesë. Ndonëse zyrtarisht nuk janë në koalicion, kryetari i Hanit të Elezit, Mehmet Ballazhi ka emëruar dy drejtorë nga radhët e Lidhjes Demokratike të Kosovës dhe një nga Lëvizja Vetëvendosje. Kjo e fundit është distancuar nga veprimi i zyrtares së saj.
Kamenicë – LVV ka kryetarin e komunës dhe kryesuesin e asamblesë. Në këtë komunë LVV ka pasur koalicion parazgjedhor me AAK-në.
Vushtrri – PDK ka kryetarin dhe kryesuesin e kuvendit komunal. PDK ka pasur koalicion parazgjedhor me AAK-në, Nismën e KDTP-në.
Fushë Kosovë – LDK ka kryetarin e komunës, derisa kryesuesin e ka marrë Partia e Drejtësisë me të cilën LDK është edhe në koalicion qeverisës.
Drenas – PDK ka kryetarin e kryesuesin e kuvendit komunal.
Skenderaj – PDK ka kryetarin e kryesuesin e kuvendit komunal.
Lipjan – LDK ka kryetarin e kryesuesin e kuvendit komunal.
Deçan – AAK ka kryetarin e kryesuesin e asamblesë.
Junik – LDK ka kryetarin e kryesuesin e kuvendit komunal.
Shtime – LVV ka kryetarin dhe kryesuesin e Kuvendit komunal.
Obiliq – Iniciativa qytetare e Xhafer Gashit ka kryetarin dhe kryesuesin e kuvendit komunal.
Në komunën e Mamushës qeveris KDTP derisa në komunat tjera qeveris Lista serbe./Telegrafi/
Lufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes