Klubi i PSG-së mohon dhe akuzon gazetën L’Equipe për pretendimet e tyre në lidhje me pagat e Lionel Messit

Gazeta franceze ‘L’Equipe’ publikoi të shtunën, detajet e pagave të marrëveshjes trevjeçare të Leo Messit me Paris Saint-Germain, megjithatë drejtori sportiv Leonardo ka deklaruar publikisht se shifrat janë të rreme.

U raportua se Messi do të fitonte 30 milionë euro në secilin nga dy sezonet e tij të para me PSG , ndërsa i treti do të jetë me vlerë 40 milionë euro.

Megjithatë, Leonardo ka goditur gazetën ‘L’Equipe’ për artikullin, duke e quajtur historinë si “të papranueshme” dhe “mosrespektuese”.

“Ne nuk mund të pranojmë ballinën [e parë] të një gazete si L’Equipe”.

“Është krejtësisht e rreme . Ajo [tregon] një mungesë respekti dhe neve nuk na pëlqeu. Është shumë larg nga e vërteta, për sa i përket kohëzgjatjes dhe shifrave”.

Lexo po ashtu Zbulohen të gjitha detajet e kontratës së Messit te PSG, paga e argjentinasit e barabartë me atë të Neymar

“Ka klauzola konfidencialiteti, por mund të them se nuk është e vërtetë (në lidhje me tre vitet)”.

“Unë nuk e kuptoj kohën e publikimit. Është me të vërtetë shumë larg realitetit. Kohëzgjatja e kontratës është dy vjet. Nuk ka asnjë opsion të detyrueshëm ose jo të detyrueshëm [për një të tretë]”, ka thënë ai. /Telegrafi/