Klauzola po e bllokon rinovimin e Icardit

Mediat italiane raportojnë se blloku i pengesës së Interit në bisedimet e kontratës me Mauro Icardin është klauzola e lirimit në kontratën e tij, pasi klubi dëshiron ta largojë atë.

Këtë javë, gruaja dhe agjentja e sulmuesit argjentinas, Wanda, shkaktoi alarm me deklaratat e saj.

Ajo pretendoi se Nerazzurrët nuk kanë ofruar asnjë marrëveshje të re dhe drejtuesit ishin përpjekur të shisnin kapitenin e tyre te Juventusi.

Lexo po ashtu Wanda Nara: Interi dëshiroi ta shiste Icardin te Juve, më vjen të qeshi kur dëgjoj se Icardi nuk është në shitje

Ndërsa, mediat italiane besojnë se drejtuesit e Interit kanë ofruar një marrëveshje, por ka qartë disa pengesa që duhen kapërcyer.

Sipas edicionit të mëngjesit në Corriere dello Sport, pika e grindjes mes palëve është klauzola e lirimit prej 110 milionë euro në kontratën e Icardi.

Kjo aktualisht lejon që argjentinasi të largohet në dy javët e para të korrikut, dhe gazeta beson se Interi dëshiron ta largojë krejtësisht atë klauzolë.

Lexo po ashtu Ausilio i kundërpërgjigjet Wandas: Interi i ka bërë ofertë për rinovim Icardit para dy muajsh, por ai nuk e ka nënshkruar

Ndërkohë, Wanda Icardi do të preferonte të rris klauzolën, por nuk do ta hiqte plotësisht atë.

Javëve në vazhdim pritet të ketë të reja sa i përket kontratës së re të Icardit, pasi ylli argjentinas mendohet se është i lumtur me fanellën e Interit. /Telegrafi/