Kjo është agjenda e takimit të liderëve në konakun e Ramiz Kelmendit në Rugovë

Deputeti i pavarur, Ramiz Kelmendi ka ftuar liderët e partive politike që të takohen në vilën e tij në Rugovë, për të diskutuar çështjen e demarkacionit të kufirit të Kosovës me Malin e Zi.

Në ftesën e hapur drejtuar liderëve institucional e politik të Republikës së Kosovës thuhet se kjo ftesë po bëhet, bazuar në rrethanat e reja, polarizimin e tejskajshëm të skenës politike, rëndësinë dhe ndjeshmërinë e brendshme dhe të jashtme të çështjes së demarkacionit me Malin e Zi dhe dy proceseve tjera që na presin, Asociacioni i komunave dhe demarkacioni me Serbinë.

Ndërkohë, deputeti Kelmendi, nëpërmjet një postimin në Facebook ka bërë të ditur edhe atë që quhet “agjenda e takimit”.

Ky është postimi i tij në Facebook:

Takimi i liderëve

Data; 31.08.2016

Vendi; ‘Villa – Elkos’ – Rugovë ora; 12;00

Agjenda – Orari – Protokoli i nikoqirit;

ora 12;00min – 12;30min – Pritja e mysafirëve (liderëve)

ora 12;30min – 12;40min – Konferencé shtypi e Nikoqirit (Detajet, qëllimi i idesë dhe pritjet)

ora 12;40min – 13;15min koktej, mëngjesi (Salla nr, 1, kati përdhesë)

ora 13;15min – 14;15min Takimi i liderëve ( Salla nr, 3, kati i I-rë)

ora 14;15min – 14;35min, Paraqitja e liderëve para mediave

P.S. Për llojin e takimit (i hapur apo i mbyllur vendoset paraprakisht nga Liderët, për çka edhe mediat informohen me kohë).

Mirënjohës dhe me sinqeritet, nikoqiri;

Ramiz Kelmendi – Deputet i pavarur /Telegrafi/