Një ekip nga menaxhmenti i kompanisë kineze ''China Energy'' është takuar me kryeministrin e Maqedonisë, Zoran Zaev, në Budapest të Hungarisë, përcjell Telegrafi Maqedoni.
Kompania në fjalë ka hapur përfaqësinë e saj në Shkup, ndërkaq deklaron se janë krijuar kushte për një cikël investimesh në sektorin energjetik dhe të transportit në Maqedoni.
Gjithashtu, kompania bën të ditur se e ka përcjellur veprimtarinë e Qeverisë së re të Maqedonisë, ndërkaq në takim është biseduar për politikat e reja qeveritare për rritje ekonomike dhe tërheqje të investimeve të reja nga jashtë./Telegrafi/
