Kim Kardashian pagëzohet me fëmijët sipas riteve tradicionale në Armeni, shfaqet e mbuluar me shami në kishë

Kim Kardashian ka zbuluar se ajo u pagëzua ndërsa ishte në udhëtimin e saj me familje në atdheun stërgjyshor, në Armeni në fillim të kësaj jave.

Fotografitë e reja nga ceremonia e krishterë ortodokse tregojnë Kimin duke mbuluar flokët e saj me një shall tradicional të kokës, ndërsa kishte veshur një fustan me grykë dhe me mëngë të gjata.

“Jam kaq e bekuar që jam pagëzuar së bashku me bebet e mia”, ka shkruar Kim Kardashian në mbishkrimin e disa fotografive në Instagram, shkruan DailyMail, transmeton Telegrafi.

Në këtë imazh, ajo ecën së bashku me vajzën e saj gjashtë vjeçare, North, për të marrë shenjtërimin shekullor, Mother See of Holy Etchmiadzin.

Një imazh i dytë tregon gjithasht vajzën e Kimit, North, të veshur me një shall, pasi gjashtë vjeçarja qëndron përkrah nënës së saj të gjunjëzuar për një portret.

Fëmijët e vegjël të Kimit, Saint, tre vjeç, Chicago, 20 muajshe dhe Psalmi katër muajsh u pagëzuan në besimin e krishterë së bashku me të.

Katër vjet më parë, Kim dhe Kanye udhëtuan për në Jerusalem për ta pagëzuar vajzën e tyre North.

Me këtë rast Kanye nuk ishte i pranishëm për të dëshmuar pagëzimin e gruas së tij dhe fëmijëve, megjithatë motra e saj, Kourtney dhe fëmijët e saj ishin pjesëmarrës.

Në postimin e saj, Kim iu referua natyrës historike të katedrales në të cilën ndodhi ceremonia.

“Faleminderit Armenia për mikpritjen e familjes time dhe mua në një udhëtim kaq të paharrueshëm”, shkroi fillimisht ajo.

“Pra, e bekuar që u pagëzova së bashku me foshnjat e mia në Mother See of Holy Etchmiadzin, katedralen kryesore të Armenisë, e cila nganjëherë quhet Vatikani i Kishës Apostolike Armene. Kjo kishë është ndërtuar në vitin 303 pas Krishtit”, shkroi tutje ajo.

Ndërsa Kim ishte rritur si e krishterë dhe merr pjesë të dielave në kishë, duket se prindërit e saj nuk e kanë pagëzuar atë zyrtarisht në besim, pasi sakramenti i pagëzimit ndodh vetëm një herë në jetë.

Pagëzimi në kishën ortodokse përbëhet nga tre zhytje në një font pagëzimi të mbushur me ujë të shenjtë, duke ndryshuar nga kisha katolike romake, në të cilën prifti derdh ujin mbi kokë.

Të dy kishat ortodokse dhe katolike njohin pagëzimet e bëra nga njëra-tjetra, së bashku me pagëzimet protestante.

Trashëgimia armene e Kimit vjen nga ana e babait të saj. Avokati i ndjerë i OJ Simpson, Robert Kardashian ishte nipi i migrantëve armenë, i cili emigroi në Shtetet e Bashkuara në fund të shekullit të 19-të. /Telegrafi/