Kim Kardashian mahnit me fotosesionin për fushatën e re të “Balenciaga”

Kim Kardashian u shfaq në një fushatë “Balenciaga” për herë të parë pasi refuzoi të ndërpresë lidhjet me markën pas skandalit të pedofilisë vitin e kaluar që tronditi botën e modës.

Themeluesja 42-vjeçare e “SKIMS” ishte një nga modelet që shfaqi koleksionin e verës 2024 për markën e modës me bazë në Paris, teksa shfaqi linjat e saj me një fustan të zi latex.

Megjithatë, është interesante të theksohet se Kim nuk sfiloi në pistë dhe as nuk u ul në rreshtin e parë në shfaqjen e Javës së Modës në Paris të “Balenciaga”, ku morën pjesë nëna e saj Kris Jenner dhe shoqja e saj Paris Hilton.

Kim kishte marrë pjesë në sfilatën e Javës së Modës në Paris të shoqes Victoria Beckham të premten, ku ajo u tha se ishte injoruar nga redaktorja e “Vogue”, Anna Wintour, pavarësisht një miqësie shumëvjeçare.

Sa i përket fushatës së fundit të nënës së katër fëmijëve me “Balenciaga”, ajo u shfaq në e veshur me një fustan të zi me shkëlqim dhe me një vijë asimetrike.

Ajo e përshtati fustanin pa mëngë me një palë çizme të zeza të gjata deri tek kofshët teksa mbante në dorë në mënyrë të çuditshme një takë argjendi vezulluese.

Flokët e saj karakteristike në ngjyrë të zezë ishin të lagura dhe të ndara në pjesën e mesme, ndërsa ajo vendosi grim minimal në tone nudo për të theksuar pamjen e saj.

Në nëntor 2022, Kim kishte refuzuar të ndërpresë lidhjet me “Balenciaga”, pavarësisht nga një polemikë ndaj kompanisë të lidhur me fotosesionin me fëmijë që u konsiderua pornografik

Kardashian, e cila ka qenë në biznes me kompaninë prej disa vitesh foli disa ditë pasi ajo kishte kërkuar falje për skandalin.

Qartë të turpëruar nga fushata e tyre e keqgjykuar, “Balenciaga” ndërmori hapin drastik për të fshirë faqet e saj të mediave sociale.

Kardashian është parë shpesh e veshur me “Balenciaga” në ngjarje të mëdha dhe është paraqitur në disa nga fushatat e markës në të kaluarën.

Ajo u prezantua me Drejtoreshën Kreative të Balenciaga, Demna Gvasalia nga ish-i i saj, Kanye West.

Ylli pranon rolin që ish-bashkëshorti i saj kishte luajtur në marrëdhënie në dhjetor 2021, teksa foli në “People’s Choice Awards”, ku mori një çmim për modën.

“Për Kanye, që më prezantoi vërtet me botën e modës. Kam rënë në dashuri me modën dhe jam shumë e frymëzuar nga kaq shumë njerëz. Por përsëri, kjo është si një ëndërr që unë zgjohem dhe vesh këto rroba të mrekullueshme, provoj gjëra të reja dhe rrezikoj. Unë jam shumë falënderuese”, ishte shprehur Kim. /Telegrafi/