Ki-moon kërkon urgjentisht largimin e civilëve nga Aleppo

Sekretari i Përgjithshëm i OKB-së, Ban Ki-moon i ka bërë thirrje qeverisë siriane dhe aleatëve të saj, Rusisë dhe Iranit, që urgjentisht të lejojnë largimin e civilëve të mbetur në Aleppo dhe për të lejuar shpërndarjen e ndihmave humanitare.

“Në ditët dhe orët e fundit kemi parë përpjekje serioze të Qeverisë siriane dhe aleatëve të saj për t’i dhënë fund konfliktit të brendshëm në vend, me anë të një fitore të plotë dhe pa kompromis ushtarak”, tha Ki-moon në Këshillin e Sigurimit të OKB-së, transmeton KosovaPress.

Ushtria siriane dhe aleatët e saj kanë njoftuar se kanë marrë kontrollin e plotë në Aleppo, pasi kryengritësit u tërhoqën nga qyteti, ka njoftuar ushtria siriane.

Kurse mediat botërore raportojnë për masakra të kryera nga ushtria siriane ndaj civilëve dhe rebelëve të opozitës, ndaj të cilëve shtihet kudo që hasen ata.

Kurse ambasadori rus në OKB, Vitali Çurkin tha sot se është arritur një marrëveshje, sipas të cilës luftëtarët rebelë lihen të largohen nga qyteti sirian Aleppo, por se këtë marrëveshje nuk po e zbatojnë civilët.